Zaburey 82 - Songhai de Gao Bible

Irkoy ga ciiti dunbu nda cimi

1 Woo ti Asaf zabur foo.

¹ Woo ti Asaf zabur foo. Irkoy ga kay nga margaroo game, a ga ciiti dunbu koyyaŋ game.

² Hala waati foo no war ga fay nda ka ciiti dunbu nda šerretaray jaŋay ka boro futu faaba? Kay-kayna

³ War mma hima ka ciiti dunbu yalaafantey nda alyatimey se, ka ciiti nda šerretaray borey kaŋ ga taabi nda alfukaarey se.

⁴ Wa yalaafantey nda talkey hallasi, kʼi kaa boro laaley kabey ra.

⁵ Amma i si haya kul bay, i si faham haya kul se, i ga dira kubay ra. Aduɲɲa asaasey kul ga jijiri.

⁶ Agay hunday nee: «War manʼti kala koyyaŋ, war kul manʼti kala Koy Jerantaa izeyaŋ.

⁷ Amma war ga buu sanda adamize, war ga kaŋ sanda boŋkoyni.»

⁸ Tun ka laboo ciiti, Irkoy, zama gandawey kul manʼti kala ni tuboo.