Zaburey 54 - Songhai de Gao Bible

Irkoy ti feerikaa

¹ Donkey boŋkoynoo ka woo don. Dooni kaŋ bande hooray jinay linjikoyni goo. Woo ti Dawda bayti dooni foo.

² A nka woo don waatoo kaŋ ra Zif borey koy nee Sawul se kaŋ Dawda goo ma tugu ngi do.

³ Ya Irkoy, ni maaɲoo albarkaa ra ay hallasi, ni hinoo ka ciiti ya ne!

⁴ Ya Irkoy, haŋajer ay ŋaarayroo se, haŋa kayandi ay miɲoo šenney se!

⁵ Zama boro waaniyaŋ tun ya ne, boro binekogayaŋ ga ceeci ngi mʼay hundoo kaa, i si Irkoy guna. Kay-kayna

⁶ Amma Irkoy ti ay faabakaa, ay Koyoo goo borey bande kaŋ gʼay gaa.

⁷ Yala bone ma kaŋ agay iberey boŋ, i halaci ka sawa nda ni laadirtaraa!

⁸ Ay ga sargari kaa ma ne nda ay boŋ, Abadantaa, ay ga ni maaɲoo saabu, zama ni maaɲoo ga boori.

⁹ A gʼay kaa torro kul ra, agay iberey ga tee ya ne gunahaya.