Zaburey 3 - Songhai de Gao Bible

Irkoy ga nga borey faaba

¹ Woo ti Dawda zabur foo. A manʼa hantum kala waatoo kaŋ a ga zuru nga izʼaroo Absalom se.

² Ya Abadantaa, ay torrokey ga boobo, borey kaŋ tun ya ne ga boobo.

³ Boro boobo ga nee ya ne: «Irkoy sʼa hallasi!» Kay-kayna

⁴ Ka gar ni, Abadantaa ti ay koraa, ni ti ay daržaa, nʼgʼay boŋoo jer.

⁵ Ay ga kaati ka Abadantaa cee, a goo nga tondi hondu henanantaa ga, a gʼay zaabi. Kay-kayna

⁶ Ay kani, ay jirbi. Ay ga tun, zama Abadantaa gʼay faaba.

⁷ Ay si hunbur boro zenber-zenberey kaŋ gʼay kuubi kʼay bere kʼay wanga kʼay daŋ game.

⁸ Tun, Abadantaa! Ay hallasi, ay Koyoo! Zama nʼga agay iberey kul saŋ! Nʼga boro laaley hiɲey kayri.

⁹ Hallasiyan ti Abadantaa wane! Yala ni albarkaa ma bara ni jamaa ga! Kay-kayna