Zaburey 15 - Songhai de Gao Bible

Irkoy tam henanantaa

1 Woo ti Dawda zabur foo.

¹ Woo ti Dawda zabur foo. Abadantaa, may no ma hin ka waati tee ni hukkumoo ra? May no ma hin ka goro ni tondi hondu henanantaa boŋ?

² Kala boraa ma tee boro kaŋ nga dira takaa ga henan, a ga goy nda šerretaray, a ga cimoo har kaŋ goo binoo ra.

³ A si nga deenoo ka nga borey maaɲey futandi, a si nga cinawey dor, a si nga borey wow.

⁴ A si baa boro kaŋ Irkoy nʼa fur, a ga borey beerandi kaŋ ga hunbur Abadantaa, ba nda a žee haya ga kaŋ si boori a se, a gʼa tee.

⁵ A si nooru garaw boro se ka albaha ceeci a ga, a si sufuray taa ka daŋ boro ga kaŋ mana haya kul tee. Boro kaŋ ga dira nda takaa woo si kaŋ hala abada.