Zaburey 14 - Songhai de Gao Bible

Irkoy hunburkaw goo no wala?

1 Donkey boŋkoynoo ka woo don. Woo ti Dawda zabur foo.

¹ Donkey boŋkoynoo ka woo don. Woo ti Dawda zabur foo. Lakkal jaŋantaa mma nee nga boŋ se kaŋ Irkoy si bara. I na goy laalayaŋ nda goy harramanteyaŋ tee, boro sii i ra kaŋ ga ihenna tee.

² Abadantaa goo beenaa ra, a ga fuuni ganda ka adamizey guna, ka dii wala boro goo i ra kaŋ goo nda lakkal henna, kaŋ ga Irkoy ceeci.

³ I kul na fondaa naŋ, i tee boro laala, boro kul sii no kaŋ ga ihenna tee, ba affoo.

⁴ Wey kul kaŋ ga šerretaray jaŋay tee sii nda lakkal, ngi kaŋ ga ay jamaa ŋaa sanda ŋaayan, i si Abadantaa wiri.

⁵ Woo ga, hunburay ga duu ey, zama Irkoy sii kala boro šerrante zamanoo bande.

⁶ War ga alfukaaroo goyey kaŋ a ga baa nga mʼi tee hasara. Abadantaa ti nongoo kaŋ ra a ga nga boŋ talfi.

⁷ Nda a gar ba Siyoŋ koyraa ra Izirayel hallasiroo ga hun! Waati kaŋ Abadantaa na nga jamaa misoo hanse, Yakuba ga ɲaali, Izirayel ga yafarhã.