Zaburey 138 - Songhai de Gao Bible

Ay ga ni šifa nda ay binoo kul

1 Woo ti Dawda zabur foo.

¹ Woo ti Dawda zabur foo. Ay ga ni šifa nda ay binoo kul, ay ga don ka ni saabu koyey jine.

² Ay ga sujudu ni hugu henanantaa here ka ni maaɲoo šifa ni borohennataraa nda ni laadirtaraa maaganda, zama nʼna ni šennoo beerandi ka bisa ni maaɲoo kul.

³ Hanoo kaŋ ay na ni cee, nʼnʼay zaabi, nʼnʼay hundoo noo bine nda gaabi.

⁴ Abadantaa, laboo kokoyey kul ga ni šifa nda i maa ni miɲoo šenney.

⁵ I ga Abadantaa fondawey daŋ dooni ra, zama Abadantaa daržaa ga beeri,

⁶ zama Abadantaa jerandi, amma a ga dii borey kaŋ yeetandi ganda, nda hundi beerey, a gʼi bay nongu mooro ra.

⁷ Ba nda ay ga dira taabi ra, nʼgʼay hunandi, nʼga ni kaboo šerre agay iberey futuroo ga, ni kabe gumaa gʼay hallasi.

⁸ Abadantaa ga haya kul benantaa tee ya ne gomni. Ni borohennataraa si ben abada. Masi ni kabey teegoyey fur.