Zaburey 137 - Songhai de Gao Bible

Babiloŋ isawey miɲey ga

¹ Babiloŋ isawey miɲey ga ir goo, waatoo kaŋ ir hongu Siyoŋ koyraa, ir mma goro no din ir ga hẽe.

² Koyraa gundoo ra ir nʼir kuntijey deeji tuuri buuney ga.

³ Zama no din ra, borey kaŋ koy nda ir tamtaray nee kaŋ ir ma dooni don ngi se. Ir torrokey nee ir ma ɲaali, i nee: «Wa Siyoŋ dooni don ir se!»

⁴ Taka foo nda ir ga Abadantaa dooni don labu waani ga?

⁵ Žerizalem, nda ay dirɲa ni, yala ay kabe gumaa ma dirɲa agay!

⁶ Yala ay deenoo ma denji ay dankaa ga nda ay mana honga ni, nda ay mana Žerizalem daŋ ay ɲaaloo kul boŋ.

⁷ Abadantaa, honga Edom borey, kaŋ Žerizalem zaaroo hane i nee: «Wʼa tuusu, wʼa tuusu hala asaasoo ga.»

⁸ Woy-izoo kaŋ ti Babiloŋ, ni kaŋ ga kaa ka halacandi, goy futaa kaŋ nʼnʼa tee ir se, boraa duu gomni kaŋ ga nga cine tee ma ne.

⁹ Boraa duu gomni kaŋ ga ni izey zaa kʼi tutubu tondi ga.