Zaburey 128 - Songhai de Gao Bible

Borey duu gomni kaŋ ga Abadantaa gana

1 Woo ti žigiyanoo dooni foo.

¹ Woo ti žigiyanoo dooni foo. Boraa duu gomni kaŋ ga hunbur Abadantaa, a ga nga fondawey gana!

² Nʼga daame nda ni kabe goyoo nafaa. Ni duu gomni, binekaanay ti ni wane.

³ Ni hugoo gundoo ra ni wandoo ga hima nda alanebɲaa kaŋ ga ize goo, ni izey ga hima nda zaytu dumari-izeyaŋ, i ga ni ŋaadogoo kuubi kʼa bere.

⁴ Nga ne, takaa woo nda boro kaŋ ga hunbur Abadantaa ga duu albarka.

⁵ Abadantaa ga albarka daŋ ni ra ka hun Siyoŋ koyraa ra, de nʼga dii Žerizalem gomnoo ni aloomuroo kul ra.

⁶ Yala ma dii ni izey izey. Yala alaafiya ma kaa Izirayel ga.