Zaburey 114 - Songhai de Gao Bible

Waatoo kaŋ Izirayel borey fatta Misira

¹ Waatoo kaŋ Izirayel borey fatta Misira, waatoo kaŋ Yakuba hugoo borey fatta meeberawey game,

² Žuda tee nga nongu henanantaa, Izirayel tee nga kokoytaraa.

³ Teekoo dii a, a zuru, Žurdeŋ isaa yee banda.

⁴ Tondi hondey ga sar-sar sanda gaaruyaŋ, hondey ga sar-sar sanda alman buuna.

⁵ Macin ka duu ni, teekoo, kaŋ se ni zuru? Macin ka duu ni, Žurdeŋ isaa, kaŋ se ni yee banda?

⁶ Tondi hondey, macin ka duu war kaŋ se war ga sar-sar sanda gaaruyaŋ? Hondey, macin ka duu war kaŋ se war ga sar-sar sanda alman buuna?

⁷ Laboo, jijiri ir Koyoo jine! Laboo, jijiri Yakuba Koyoo jine

⁸ kaŋ ga tondidoo bere kʼa tee hari kaydoo, ka tondi tee hari dandidoo.