Zaburey 110 - Songhai de Gao Bible

Kokoy sargari juwalkaw

1 Woo ti Dawda zabur foo.

¹ Woo ti Dawda zabur foo. Abadantaa ka šelaŋ ay Koyoo se ka nee: «Goro ay kabe gumaa here, hala waati kaŋ ra ay na ni iberey tee ni cee-jisidogoo.»

² Abadantaa ga ni hinoo gaaboo tonton, kʼa dii za Siyoŋ koyraa ra. Ma ni hinoo gorandi ni iberey game!

³ Han kaŋ ni tun ka ni iberey wongu, de ni jamaa soolu hanoo din se, wongu-ize soogey ga kaa ni do henanyan ra sanda subbaahi biyaa harandaŋoo.

⁴ Abadantaa nka žee, a si nimsi. Sargari juwalkaw ti ni hala abada, sanda Melšizedek takaa.

⁵ Ay Koyoo kaŋ goo ni kaŋ ti Abadantaa kabe gumaa ga, ga kokoyyaŋ motti nga futuroo hane.

⁶ A ga ciiti tunandi gandawey ra, nongoo kul ti bukawyaŋ, a ga ganda beeri boŋkoynoo motti.

⁷ Kaŋ a ga koy, a ga haŋ gooroo haroo ra, woo se a ga nga boŋoo jer.