Zaburey 1 - Songhai de Gao Bible

CITAABU JINAA (Zabur 1—41) Gomni cimi-cimoo

¹ Boraa duu gomni kaŋ si dira boro futu hoyraa bande, kaŋ si kay zunubantey fondaa ga, a si goro ɲooɲokey bande.

² Amma a mma baa Abadantaa ašariyaa, de a ga miile a ga cijin nda zaari.

³ A ga hima nda tuuri kaŋ dumandi hari bisadooyaŋ miɲey ga, a ga ize tee nga waatoo ga, fitawey si kogu, haya kul kaŋ a gʼa tee ga boori.

⁴ Amma manʼti takaa woo no boro futawey se, i ga hima nda kokoši kaŋ hewoo gʼa zaa.

⁵ Woo se boro futawey si duu cimi ciitoo ra, takaa din da zunubantey sii nda doo boro šerrantey margaroo ra.

⁶ Zama Abadantaa ga boro šerrantey fondaa hawgay, amma boro laaley fondaa gʼi ka koy halaciyan ga.