Ester 10 - Songhai de Gao Bible

Mardoše duu hinay beeri

¹ Kokoyoo Serses na alkaasi daŋ nga gandaa borey ga nda jamaa kaŋ goo teekoo gungey ra.

² Serses teegoy gaabantey nda nga wongaaritaraa fillaa, nda takaa kaŋ nda a na Mardoše noo beeray, wey kul hantumandi Med nda Pers kokoyey teegoyey citaaboo ra.

³ Zama Alyahuudoo Mardoše tee boraa kaŋ ga kaa kokoyoo dumaa ga nga hinoo ra. Nga ti Alyahuudey kul boro beeroo. Nga armey jamaa ga bagʼa. A ga baa nga jamaa gomnoo, a ga goy hala nga dumoo kul ma duu alaafiya.