Mateu 12 - Mattheo 1911 (Evangelho de S. Mattheus - XiPuthshu)

(68)

¹ Hiwolowo nKama Yesu aFamba, hiSiku djaSabatha, aTsemakanya emaSignwini: abaDondisiwa baKe apfa baYingela nDlala, baSungula kuTxhoba awsiFaki, baDa.

² Kambi baFariseo, loko bawsiBona, baku kuYene, “Labisa! abaDondisiwa baKu baYentxa e’wsingaFanekelangakukuku akuba bawsiYentxa hiSiku djaSabatha.”

³ Kutani aku kuBone, “Xana aniDondanga ewsi Davide angawsiYentxa, loko e ninDlala Yene, nila’baPfaku be naYe, na?

⁴ Ewsakuba aHingeni enDlwini yakaNkulunkula, aDa awsiBhanda wsakuBeketeliwa, e’wsingaFanekelangakukuku kuDiwa, kumbi hiYene, kumbi hilabaPfaku be naye, wsiDiwa hibaPristi abuWsabu.

⁵ Kumbi xana aniDondanga eBukwini djaNau, ewsaku, hiSiku djaSabatha abaPristi la’bak’enDlwini yakaNkulunkulu baDjelela aNau waSabatha, benge naNandu, na?

⁶ Kutani ndiku kuNini, Ku kone lomu lwe’nKulu kuna yinDlu yakaNkulunkulu.

⁷ Kambi loku apfa niwsiTibi ewsaku wsiHla yini lewsi ewsaku, ‘NdaDjula awsabuHsombe, andiDjuli awsaminHlengu’ (Hos 6:6). ana ningaHswexanga hiNandu la’bengeki naNandu.

⁸ Hikusa gnwAna‐wamHunu i Hosi ya Sabatha.”

(69)

⁹ Asuki lanu, aHingena enDlwini yaBu yakuHsehsa:

¹⁰ Labisa! amHunu lw’aka niBoko djakuLamala! Kutani bamuButisa, baku, “Xana wsiPfumeliwili hiNau akuDaha hiSiku djakuWisa djaSabatha na?”

¹¹ Aku kuBone, “Hiwihi mHunu exikahsi kwenu, lw’aka niyimPfu yiGnwe ntsena, lw’ataku, loku yiWa enKeleni hiSiku djaSabatha, angatikuyiKhoma, ayiTlakuxa na?

¹² Xake amHunu aTlulisa kuYini ayimPfu hiliSima na? Wsitanuke wsiPfumeliwi akuYentxa awsabuHsombe hiSiku djaSabatha.”

¹³ Kutani aku kumHunu, “Nalabuta aBoko djaKu.” Kutani adjiNalabuti: djaTlheli djiHanyisiwa awsadjiGnwani.

¹⁴ Kambi baFariseo baHuma, bamuYentxela maHsengu yakuBa batamuDlayisa kuYini.

¹⁵ Kutani Yesu, loku awsiBona, aSuka lanu: kutani la’baNyingi bamLandela; aHanyisa Hikwabu,

¹⁶ abaKhata ewsaku bangamuTibekisi;

¹⁷ ewsakuba wsiTatiseka e’wsiHlayiwiki hiNomu wakaIsaya amProfeta, aku,

¹⁸ “Labisani! AgnwAnanga lwe’ndimuHlauliki: axiHsandiwa xaNga lexi Hika djaNga djiNyoxaku haxone: nditaBeka aMoya waNga wub’egnwanya kwake, ataHumexa aNyewu djakuThsabukanyisela abamaTiku.

¹⁹ AngaKhanetani namHunu, angaBangi amsindu: aku namHunu lw’atakuYingela aDjiti djaKe emaBuduleni (Is 42:1–4).

²⁰ AngaThsobi liHlanga lo’liFahlekiki, angaTimi aMothsana lo’wuLumekiki, aKota aHumexa aNyewu ekuHluleni” (Is 42:1–4).

²¹ “Kutani bamaTiku bataDumbisiwa hiBhitu djaKe” (Is 11:10).

(70)

²² Hilowo nKama kaTisiwi kuYene amHunu lw’aka nimaNdiki, lwe’ wakuFa maHlu, l’wakuKa’ angaBulabuli: Kutani amuHanyisili, ewsakuba lwe’ mHunu l’wakuKa angaBulibuli, aBulabula, aBona.

²³ AbHanu Hikwabu baNkensa, baku, “Xana u gnwAna‐Davide na?”

²⁴ Kambi baFariseo, loku bawsiYingelili, baku. “Lwe’ akaHumexi maNdiki loko kungaBi hinTamu wakaBeelzebula, aHosi yamaNdiki.”

²⁵ Kutani Yene, amiTibiki amiYanakanyu yaBu, aku kuBone. “AmBuso, lo’ nilo’, loko wuThsabukani haWsawu, waNdulutiwa maNanga: amuTi, kumbi ayinDlu, le’ nile’, loku yiThsabukani haWsayu, ayiwsiKoti kuYima:

²⁶ kutani Satana, loku aHumexa Satana, uThsabukanili haWsake; xana am Buso waKe wutaYimisa kuYini na?

²⁷ NaMini, loku ndiHumexa amaNdiki hinTamu wakaBeelzebula, abAna bEnu bamaHumexa hinTamu wakaMani na? Hakoneke Bone bataBa la’bakuThsema amiLandu kuNini.

²⁸ Kambi Mini, loku ndiHumexa maNdiki hiMoya wakaNkulunkulu, ampela amBuso wakaNkulunkulu wuTlhasi kuNini.

²⁹ Kutani amHunu ataHingenisa kuYini enDlwini yamHunu wanTamu, aPhanga aminTxhumu yaKe, loku angaSunguli aBhoha lwe’wanTamu na? wsitanuke ataPhanga ayinDlu yaKe.

³⁰ Lweyo wakuKa’ angaBi hiTlhelo djaNga, uHambani naMini: nilweyo wakuKa’ angaWolelisani naMini, waHangalasa.

³¹ Hakoneke ndi’u kuNini. WsitaDjibaleliwa kubHanu awsiHono Hikwawsu, nimaDjiti Hikwau yakuBomba; kambi akuBomba aMoya akunakuDjibaleliwa.

³² Lwe’ mHunu ni lwe’, lw’atakuHlaya amaDjiti yakuHsuka agnwAna‐wamHunu, ataDjibaleliwa; kambi lw’ atakuHsuka aMoya wakuBhasa, angaDjibaleliwi, kumbi hilowu nKama, kumbi himinKama le’mitakuTa.

³³ Kumbi Yentxani amuHsi wuBa lo’waHombe, nimHandu yaWone yiBa le’yaHombe: kumbi Yentxani amuHsi wuBa lowu mFani, nimHandu yaWone yiBa le’yiFani: hikusa amuHsi waTibja hamHandu yaWone.

³⁴ Nini, mPsalu yatiNyoka! loku niBhihili, niwsiKotisa kuYini kuHlaya awsaHombe, na? hikusa aNomu wuHlaya e’wsiPfaku ekuTaleni kamBilu.

³⁵ AmHunu l’waHombe aHumexa awsaHombe ePfindleni djamBilu yaKe e’djaHombe, amHunu l’wakuBhiha aHumexa e’wsakuBhiha ePfindleni djaKe e’djakuBhiha.

³⁶ Ndi’u kuNini, AmaDjiti Hikwayu la’yakuKa‐ndlela, lawa bHanu batakumaHlaya, bataYangulela hawone, hiSiku djakuThsabukanyisiwa.

³⁷ Hikusa hamaDjiti yaKu utaPfa u l’waHombe, hamaDjiti yaKu utaPfa u lwe’mFani.”

(71)

³⁸ Bakukahsi kubaThsali nibaFariseo bamuYangula, baku, “We’ muDondisi, haDjula kuBona axiKombetisu xiPfa kuWene.”

³⁹ Kambi Yene aYangula, aku kuBone, “AliXaka labHanu la’baFani, babuMbuye, laDjula axiKombetisu: kutani ali nakuHananiwa axiKombetisu, loko xingaBi xiKombetisu xakaYona amProfeta:

⁴⁰ hikusa, wsanga h’ewsi Yona angaThsamisi amaSiku maHsahsu, aMumu nibuSiku, eKuhsini djanKomu, wsitanuke, agnwAna‐wamHunu ataThsamisa amaSiku maHsahsu, aMumu nibuSiku, endeni kamiSaba.

⁴¹ AbHanu baNineva bataYimisalana nibHanu baloli liXaka ekuThsabukanyisiweni, babaHswexa aNandu: hikusa bone baNdulukili ekuHeehseni kakaYona: kutani, labisani! a kone lomu lwe’nKulu kunaYona.

⁴² AHosi yaNyingitimu, le’yawanSati, yitaYimelana nibHanu baloli liXaka ekuThsabukanyisiweni, yibaHswexa aNandu: hikusa yiPfi emaGameni yamiSaba, yitaYingela abuTlhali bjakaSolomone: kutani, Labisani! akone lomu lwe’nKulu kunaSolomone.

⁴³ Kambi aMoya lo’wuFani, loku wuHumili emHunwini, wuTsemakanya amimBangu le’mangeki kone amaTi, wuDjula akuWisa, kambi awukuKumi.

⁴⁴ Kutani wuku NditaTlhelela enDlwini yaNga laha ndiHumiki kone; loku wuTlhasili, wayiKuma yingehe namHunu, yiSwayeliwili, yiLongisiwili.

⁴⁵ Kutani waFamba, wutiTekela amiMoya yanTlhanu namiBhidji, le’miFani ngopfu kuna Wone, miHingena miThsamisa kone: kutani axiYimu xakuHela xalwe’ mHunu xiBhihili kuni le’xakuSungula. WsitaBa tanu kuloli liXaka labHanu la’baFani.”

(72)

⁴⁶ Kutani loku eheHlaya ebHanwini, Labisa! agnwAke nibaMakwabu baYima ehandli, baDjula kuBulabula naYene.

⁴⁷ AmHunu wakuKahsi aku kuYene, “Labisa! agnwAku nibaMakwenu baYimili ehandli, baDjula kuBulabula naWene.”

⁴⁸ Kambi Yene aYangula aku kulw’angamuBjela, “AMami i Mani? baMakwehsu ba baMani?”

⁴⁹ ANalabuta aBoko djaKe kubaDondisiwa baKe, aku, “Labisani! AMami, nibaMakwehsu!

⁵⁰ Hikusa lwe’ mHunu nilweyo lw’atakuYentxa awsiHsandiwa wsakaTati lw’ak’eTilwini, Yelweyo Makwehsu, kumbi waXiyisa, kumbi waNhonyani, Yelweyo Mami waNga.”