PA’PUDIAN 93 - Sura' Madatu

Diona kamala’biranNa Puang Matua, datu matontongan 93:1-5

¹ PUANG untoe kapayungan; Ia umpobayu sielle’ kabarrealloan; Iamo bayu sielle’Na Puang to, sia umpotambeke’ kapaan. Iate lino bantangmo, tae’ anna la tiberu susuk.

² Inang tempon diopa mai anna titanan batu katonan tu isungan kapayunganMi; sia inang tempon dio duka mai amMi den.

³ Mintu’ salu mongngo’mo, o PUANG, mintu’ salu mongngo’mo. Sia mintu’ salu umpemandui ongngo’ darra’na.

⁴ Apa iatu mandu paa anna ongngo’ darra’na uai buda sia mariakna tasik, Iamotu PUANG dao masuanggana.

⁵ Tang balle kasa’biamMi, kamaseroan napokassa’ banuamMi tontong sae lakona, o PUANG.