PA’PUDIAN 82 - Sura' Madatu

Puang Matua urra’ta’ ukungan lan tinimbunna deata 82:1-8

¹ Pa’pudianna Asaf. Tongkon tu Puang Matua lan tinimbunna deata, sia urra’ta’ ukungan lan lu mintu’ deata.

² Sangapapokomi la ma’paolai salu pakayun bimbang, sia malang lako to tang mekaaluk? Sela

³ La mitiroan tu to bitti’ sia pia biung, sia la umpasalunna to dipandasa sia to mase-mase.

⁴ Rampananni tu mintu’ to bitti’ sia to mase-mase, lendokanni lan mai lisu pala’na to tang mekaaluk.

⁵ Tau iato mai tae’ tangnga’na sia tae’ paissanna, tontong bang lolang nakabu’ kamalillinan; ia dukamoto anna tigega’ tu mintu’ parandanganna te lino.

⁶ Mangkamo Kupokada kumua: Kamumo tu deata, sia kamumo sola nasang tu mai anakna Patodoranna.

⁷ Apa la matekomi susito lino, sia susikomi misa’ tu mai datu la tibambang!

⁸ Ke’de’Komi, o Puang Matua, paolaimi salunna te lino, belanna poissanMi tu mintu’ bangsa.