PA’PUDIAN 67 - Sura' Madatu

Nanian pa’kurre sumanga’ belanna mintu’ pa’kamaseNa Puang Matua 67:1-8

¹ Lu lakona pangala sengo, Misa’ nanian pa’pudian.

² Anna Puang Matuamora ungkamaseiki’ sia umbura’ki’ lindo masakke, sia umpaarrangiki’ rupanNa, Sela

³ Anna tandai tau lan te lino tu lalanMi, sia natandai duka mintu’ bangsa tu kasalamaran lu dio mai Kalemi.

⁴ Sangapaoi anna pudiKomi mintu’ bangsa, o Puang Matua; ondongpi mintu’ bangsa massola nasang la umpudiKomi.

⁵ Sangapaoi anna mintu’ to sangpetayanan parannu-rannu sia sila’tekan, belanna Mipaolai maloloi salunna tu mintu’ bangsa, sia Mipatudu lalan tu mintu’ to sangpetayanan lan te lino. Sela

⁶ Sangapaoi anna pudiKomi mintu’ bangsa, o Puang Matua, ondongpi mintu’ bangsa massola nasang la umpudiKomi.

⁷ Iatu padang umpakendekmo burana, na Puang Matua, Kapenombanta, umpamasakkeki’;

⁸ Napamasakkeki’ Puang Matua, sia mintu’ randan langi’ la ungkabangnga’i.