PA’PUDIAN 61 - Sura' Madatu

Passambayangna misa’ to diali’ umpalakuan kamalamberan sunga’ datu 61:1-9

¹ Lu lakona pangala sengo. Dipasiala oni katapi. Pa’pudianna Daud.

² Perangii, o Puang Matua, tu pengkamoyaku, sia palan ara’i tu passambayangku.

³ Dio mai tampakna padang kunii meongli’ mati’ Kalemi, belanna rosso tu penaangku; solanna’ langngan buntu batu tu tang kusara kalena ullangnganni.

⁴ Belanna Kamumo tu pentionganangku, menara matoto’ untulak uali.

⁵ La mari’pina’ lan tendaMi sae lakona, sia la mentilindungna’ diong to’ ongan pani’Mi. Sela

⁶ Belanna Miperangii nasangmo tu pangallonangku, o Puang Matua, sia Mibenmo’ tu la napomana’ to ungkasiri’ sangamMi.

⁷ Sangapaoi amMi pamalambe’i tu sunga’na datu, anna tiro lanto mimi’na.

⁸ Sangapaoi anna unnisung tontong sae lakona dio oloNa Puang Matua, pasakka’i tu kamasokanan sia kamarurusan la ungkaduttu’i.

⁹ Susimoto la kunii tontong sae lakona umpakendekan pa’pudian sangamMi; angku palesso’i kiallo-kiallo tu mintu’ pangallonangku.