PA’PUDIAN 3 - Sura' Madatu

Pangando ke melambi’ 3:1-9

¹ Pa’pudianna Daud tonna mallai dio mai anakna, disanga Absalom.

² O PUANG, lendu’ budannamo ualingku! Makambanmo to umbalina’.

³ Buda tau umpokadana’ kumua: Tae’ pa’tunduanNa Puang Matua lako kalena. Sela

⁴ Apa, o PUANG, Kamumo tu balulang perindingku, Kamumo tu kamala’birangku, sia Kamumo tu umbangunan ulungku.

⁵ Meongli’na’ lako PUANG, anna pebaliina’ dao mai buntu maindanNa. Sela

⁶ Umbambanganna’ kaleku angku mamma’, angku millik sule, belanna PUANG urrande pala’na’.

⁷ Tae’ angku kataku’i tu ma’pulo-pulo sa’bunna tau, tu limbu mangatta unneana’.

⁸ Ke’de’Komi, o PUANG, amMi lendokanna’, o Kapenombangku! Belanna mangkamo Mila’pakki tu parangka sadangna ualingku, sia mangkamo Mitepok tu mai isinna to tang mekaaluk.

⁹ PUANG tu oto’na kadilendokan, Mipataranakkimira pa’kamaseamMi tu taumMi! Sela