PA’PUDIAN 149 - Sura' Madatu

Kapataloanna to Israel 149:1-9

¹ Haleluya! Penanianni PUANG tu misa’ nanian ba’ru, tu dipudianni lan kombongan to masallo’.

² La naposande’ to Israel tu To manampana, sia la sila’tekan tu pia to Sion belanna diona Datunna!

³ La ma’gellu’ sola nasangi umpudi sanganNa PUANG, la ma’ganda’-ganda’ sia la massu’dekan umpakendekan pa’pudian Puang!

⁴ Belanna iatu taunNa naala penaanNa PUANG, sia Napapakei kasalamaran tu to sorong inaa.

⁵ La mela’tek mekasiri’ tu mintu’ to masallo’, sia sende paiman diong dali’ patindoanna.

⁶ Iatu pa’pudi-pudian lako Puang Matua la dio bang pudukna, sia iatu limanna sitetang la’bo’ mataran patomali.

⁷ La membala’ lako mintu’ bangsa, sia umpandasa mintu’ to sangpetayanan.

⁸ Anna pungoi tu mai datunna, sia anna rante bassii tu mai to la’bi’na.

⁹ Sia anna pogau’i lako tu pangra’ta’ mangka tisura’. Iamotu kamala’biranna mintu’ to masallo’Na. Haleluya!