Biblia Todo Logo
Bìoball air-loidhne

- Sanasan -

PA’PUDIAN 142 - Sura' Madatu


Passambayang umpalaku pa’tunduan lan pa’pattangan 142:1-8

1 Gelong bangunan ada’na Daud tonna lan lo’ko’. Misa’ passambayang.

2 Meongli’na’ langngan PUANG umpekapuai gamarangku, sia mengkamoyana’ langngan PUANG umpemandui gamarangku.

3 Umbuangna’ sarroku dio oloNa, sia ussorongna’ kamaparrisangku dio tingayoNa.

4 Iake bonnongi tu penaangku lan, Mitandai tu lalanku. Tau iato mai untananni bunina’ poya, dio to’ lalan la kuolai.

5 Iake mentirona’ lako kananku sia umpata’pa matangku – moi misa’ tau tae’ ussailena’; iake tae’mo pentionganangku – moi misa’ tau tae’ ungkambaroanna’.

6 O PUANG, meongli’ mati’na’ Kalemi; kukua: Kamumo tu pentionganangku, sia kamumo tu kataanangku illan tondok to tuo.

7 Parinaai tu pengkamoyaku belanna tang pakulle tonganmo’; rinding pala’na’ dio mai mintu’ to unnula’ sumpuna’, belanna nasau’na’ tau iato mai.

8 Tassu’ina’ lan mai pa’pattangan, angku pudii tu sangamMi; la naepunna’ tu mai to malambu’, ke Mipogau’mi tu kameloan lako kaleku.

Sura' Madatu, Toraja Bible 2009® © Indonesian Bible Society – Lembaga Alkitab Indonesia, 2009

Indonesian Bible Society
Lean sinn:



Sanasan