PA’PUDIAN 129 - Sura' Madatu

Diona kamaparrisanna to Israel sia kadilendokanna 129:1-8

¹ Nanian Hamaa’lot. Madada’na’ napakario-rio tau tempon dio mai mangurangku, – Melo ke ma’kadai tu to Israel. –

² Madada’na’ napakario-rio tau tempon dio mai mangurangku, apa tae’ sia anna talona’.

³ Natengko to ma’tengko tu boko’ku, anna pemalambe’i tu lalan tengkona.

⁴ Apa iatu PUANG tang pakayun bimbang anNa ra’ta’i tu rari’na to tang mekaaluk.

⁵ La kasirisan sola nasang anna sule leko’, tu to ungkabiri’ Sion.

⁶ La susi riu tuo dao bubungan, malayu dolomo, ke tae’pi nalampi’i tau.

⁷ Tae’ anna ka’panni to meriu, sia tae’ anna patamai panguyunna to manguyun;

⁸ sia iatu to lendu’ lalan tae’ anna la ma’kada kumua: Sangapaoi anNa pamasakkekomi PUANG! Kipassakkekomi tete dio sanganNa PUANG.