PA’PUDIAN 126 - Sura' Madatu

Iatu to mantanan situang uai matanna, la mepare situang la’tek silelean 126:1-6

¹ Nanian Hamaa’lot. Iatonna pasulei PUANG tu mintu’ to Sion dirampa, susikan to mangimpi.

² Attu iato naponnoi petaa mammi’ tu sadangki, sia narandan la’tek silelean tu tongka’ dililaki. Attu iato den to kapere’ ma’kada kumua: Umpogau’mo apa kalle-kallean tu PUANG lako tau iato mai!

³ Mangkamo umpogau’ apa kalle-kallean tu PUANG lako kaleta; Iamoto anna parannu batu ba’tangta!

⁴ O PUANG, pasulekan tama dandanki, susito uai salu lo’ pollo’na uai.

⁵ Iatu to mantanan situang uai matanna, la mepare situang la’tek silelean.

⁶ Moi anna male situang tangi’, tu to umbaa banne la diambo’ lan karung; apa tae’ nasalai tang la sule situang la’tek silelean, umbaa pa’kutu’na.