PA’PUDIAN 124 - Sura' Madatu

Pa’pudi-pudian lu lako To pakarimmananna to Israel 124:1-8

¹ Nanian Hamaa’lot. Pa’pudianna Daud. Iake la tang PUANG tu urrondongki’, Melo ke ma’kadai tu to Israel susite:

² Ondongpi, iake la tang PUANG tu urrondongki’, tonna eaki’ tau,

³ manassa mangkamoki’ naampello’ tuo, tonna re’dek tu ara’na lako kita.

⁴ Manassa natallanangki’ uai luang, sia Nalammurangki’ uai buda.

⁵ Manassa napatammanki’ uai mandirri’.

⁶ Mintu’na kadipudian lu langngan nasang PUANG, tu tang unnelorangki’ nakaru’tukki tau iato mai.

⁷ Iatu deatanta tilendok mana’pa butung to manuk-manuk. Lussu’ dio mai poyana to mamoya; ka’tu poya, anta lussu’!

⁸ Iatu pa’tunduanta umpotete sanganNa PUANG, tu mangka umpadadi langi’ sola lino.