PA’PUDIAN 123 - Sura' Madatu

Pangando umpalaku kamamasean 123:1-4

¹ Nanian Hamaa’lot. Mentingara mati’na’ Kalemi, o PUANG, unnisungi suruga.

² Sitinti mata kaunan umpemantang limanna puangna, sia ten to baine pa’kurinan umpemantang limanna puangna baine, tenmo matanta to untingara PUANG, Kapenombanta, sae lako Nakaturu-turuinta.

³ Katuru-turuikan, o PUANG, katuru-turuikan, belanna namoso tonganmokanni pebe’se’.

⁴ Moso tonganmo tu deatangki, belanna natelle-telle to umpakapua penaanna, sia belanna nabe’se to matampo.