PA’PUDIAN 122 - Sura' Madatu

Sangapaoi narampoi kamarampasan tu Yerusalem 122:1-9

¹ Nanian Hamaa’lot’. Pa’pudianna Daud. Sende tu batu ba’tangku, tonna kuanna’ tau kumua: Maiko talao lako banuanNa PUANG.

² Susimoto, kilesemo tu babanganmu, e Yerusalem.

³ Iatu Yerusalem mangka dibangun matoto’, butung kota, nanii banua sitoe bang lan.

⁴ Mintu’ suku male nasang lako, iamotu mintu’ sukunNa PUANG. Den pepasan lako to Israel la umpudi sanganNa PUANG.

⁵ Belanna tidandanmo dio isungan to torro ada’, iamotu isungan to torro ada’ lan mintu’ bati’na Daud.

⁶ Palakuanni kamarampasan tu Yerusalem, sangapaoi anna rapa’ tu to ungkamali’ko.

⁷ Sangapaoi anna marampa’ mintu’ to naluang bentengmu, sia rapa’ tu to lan tambakukummu.

⁸ Bannang dio le’to barra’ku sia polo kaindi’ku, angku la ma’kada kumua: Sangapaoi anna torroiko kamarampasan!

⁹ Sia bannang dio banuanNa PUANG, Kapenombanta, angku dakarangko kameloan.