PA’PUDIAN 121 - Sura' Madatu

To pasareonganna to Israel 121:1-8

¹ Nanian Hamaa’lot. Kubangunan tu matangku untingara mintu’ buntu: Umbara la nanii bu’tu patunduangku?

² Iatu patunduangku bu’tu lu dio mai PUANG, tu umpadadi langi’ sola lino.

³ Tang Naeloran Puang lentekmu la tilende’, sia tae’ Natikkaru’du’ tu To pasareongammu,

⁴ manassa, iatu To pasareonganna to Israel, inang tae’ anNa tikkaru’du’ ba’tu leppeng.

⁵ PUANGmo tu To pasareongammu, sia Puang duka tu dio kananmu unnonganniko.

⁶ Tae’ anna la umpatumbako allo, ke allona, ba’tu bulan, ke bonginna.

⁷ PUANG la urrinding pala’ko dio mai kamasolangan, pissanmi to, Ia la urrinding pala’i tu deatammu.

⁸ PUANG la urrinding pala’ko lan torro ke’de’mu, randuk totemo landa’ sae lakona.