PA’PUDIAN 120 - Sura' Madatu

Passambayang umpalaku katilendokan dio mai to mo’rang 120:1-7

¹ Nanian Hamaa’lot. Meongli’na’ langngan PUANG tongku lan kamaparrisan, natanannimo’ talinga.

² O PUANG, rampananni tu deatangku dio mai puduk mo’rang. Sia dio mai lila pakira-kira.

³ Apara tu Nabenko Puang, sia apa siapa Napogau’ lako kalemu, e lila pakira-kira?

⁴ Iamo tinaran mataranna to lalong, sia ruaya kayu su’buan.

⁵ Sumpu sumandakku! Belanna susina’ to mempue dio Mesekh, sia sangtinti to torro dio lu tendana Kedar.

⁶ Masai allomo tu deatangku sisola to ungkabiri’ karapasan;

⁷ Aku te ungkabarii karapasan, apa ia angku ma’kada susito, La massisakkami.