PA’PUDIAN 114 - Sura' Madatu

Penggauran kalle-kalleanNa Puang Matua tonna tassu’ tu to Israel lan mai Mesir 114:1-8

¹ Iatonna tassu’ tu to Israel lan mai Mesir. Sia tonna tipoli’ tu bati’na Yakub lan mai bangsa ma’laen basa,

² Yehuda tu Napoinan maindan, sia Israel tu Napopanglisuan parenta.

³ Mallaimi tu tasik tonna tiroi tu iannato, sia lolong sule tu Yordan;

⁴ Iatu mintu’ buntu tibuang len susi domba laki, sia iatu mintu’ tanete ten to anak domba.

⁵ E tasik, ma’aparoko ammu mallaira susito? Sia iko, e Yordan, ammu lolong sulera?

⁶ E kamu buntu, ma’aparokomi ammi tibuang-buang len susi domba laki? Sia e kamu tanete ammi tenra anak domba?

⁷ Rumontingko dio olona Puang, e lino. Dio olona Kapenombanna Yakub,

⁸ tu mangka umpopembali likui tu buntu, sia batu laiya Napopembali kalimbuang.