Psalms 46 - Metrical Psalms in Braid Scots 1928 (T.T. Alexander)

psalm XLVI (1–5).

¹ A bield fu’ stieve to us God is, In mids’ o’ tribble near;

² Sae, free o’ dreid oor herts we’ll haud, Gin a’ the yirth sood steer.

³ Gin hills be cuisten in the sea, And rushin’ waters roar; And gin the heighest hills sood quake The risin’ fludes afore.

⁴ But there’s a burn, that gledsome wins Athing the brugh o’ God — The haudin’ heale, that He abune Has waled for His abode.

⁵ God in her hert has set His hame, Sae skaithless sal she bide; Lang or the blink o’ day has daw’d, He sal her weel betyde.