Psalms 23 - Metrical Psalms in Braid Scots 1928 (T.T. Alexander)

psalm XXIII

¹ E’en as a shepherd tents his sheep, The Lord for me doth fend;

² He mak’s me rest, whaur pasture’s best, And wimplin’ waters wend.

³ Sood my soul ail, He mak’s it hale And airts my feet to gang, For His name’s sake, the bonny gait, Whaur’s nocht o’ ill or wrang.

⁴ Whaun I am boon to traivel doon The mirky Glen o’ Daith, Nae dreid I bruik, His stave and crook Sal haud me free o’ skaith.

⁵ Wi’ ample fare Thou dost prepare My board, while faemen glow’r; Wi’ eintment fine my heid dis shine, My bicker’s skailin’ ow’re.

⁶ Guidness and mercy a’ my days Are siccar at my side; And in God’s hame I’ll be fu’ fain For evermair to bide.