Psalms 137 - Metrical Psalms in Braid Scots 1928 (T.T. Alexander)

psalm CXXXVII (1–6).

¹ By Babel’s fludes we murnin’ sat, When Zion cam’ to mind;

² Oor harps we hang the saughs amang, The burnie’s banks that lin’d.

³ They plague’d us lang to lilt a sang, That did us captives bring;

⁴ Wha wrocht us wae, wad nocht but play, “The sangs o’ Zion sing.” Hoo could we raise Jehovah’s praise Athin an uncan land?

⁵ Gin I forget Jerus’lem, let Me tine my slicht o’ hand.

⁶ My tongue gang dry, gin ever I Sood think‐na lang on thee; And gin I fail thysel’ to wale Owre a’ that’s dear to me!