Psalms 130 - Metrical Psalms in Braid Scots 1928 (T.T. Alexander)

psalm CXXX

¹ Lord, frae the mirky haughs o’ dool

² My cry to Thee has gae’n; Jehovah, hear; and lat Thine ear Be heedfu’ o’ my maen.

³ Gin Thou, O Lord, oor fauts sood mark, Wha could to Thee draw near?

⁴ But aye wi’ Thee sal mercy be, Tho’ men haud Thee in fear.

⁵ My saul abides its tryst wi’ God, His word I lippen on;

⁶ My saul’s mair fain for God, than ane That wearies for the dawn.

⁷ Atweel, I weary mair than a’ That lang for dawn o’ day; Lat Isra‐el trust God Himsel’, For He sal mercy hae.

⁸ And wi’ the Lord nae lack there is O’ poo’er to save and sain; Frae a’ the sin that he has dune, He Israel sal hain.