Psalms 124 - Metrical Psalms in Braid Scots 1928 (T.T. Alexander)

psalm CXXIV

¹ Gin that the Lord Had ne’er been on our side, Noo Isra‐el May weel and truly say,

² Gin that the Lord Did ne’er us weel betyde, When men wan up

³ Agin’ us, then had they Sweel’d us alive, — Sae was their wuth fu’ fey.

⁴ Syne had the fludes O’ water sweel’d us doon, And owre oor saul The too’rin’ tide had gaen;

⁵ Clean owre oor saul Had gaen the fludes that droon;

⁶ But, blythe be God, That hasna gien His ain To feast the fangs O’ siccan fearsome men.

⁷ Oor saul frae skaith Richt weel is won awa, E’en as a bird Oot frae the girn may win; Skaith hae we ’scaipt, The girn is riv’n in twa:

⁸ Syne sal we say, Oor help alane is in The Lord, that made Himsel’ baith yirth and hevin.