Psalms 122 - Metrical Psalms in Braid Scots 1928 (T.T. Alexander)

psalm CXXII

¹ Fu’ fain was I, when folk did cry, “To God’s Hoose let us gang”;

² Jerusalem, thy yetts athin Oor feet sal stand or lang.

³ Jerus’lem a’ is biggit braw, A toon set by its lane;

⁴ To thee there maun come ilka clan, That’s o’ Jehovah’s ain; The trystin’‐place o’ Israel’s race, To God’s name laud to gie;

⁵ Set there in sicht the thrones o’ richt, E’en thrones o’ Dauvid, be.

⁶ Pray that Jerusalem may be Fu’ lown, and aye be seil; For nocht sal fa’ but gude on a’. That wiss Jerus’lem weel. Sae wad I wiss athin thy wa’s That lown may siccar be;

⁷ And e’en that a’ thy biggin’s braw Hae aye prosperitie.

⁸ For sake o’ freends and brithers there, “Lown loe thee,” I maun pray;

⁹ And for that there’s God’s Hoose o’ Prayer I’ll seek thy gude alway.