Psalms 100 - Metrical Psalms in Braid Scots 1928 (T.T. Alexander)

psalm C

¹ Lat ilka clan in ilka lan’ Mak’ to the Lord a blythesome sang;

² Ser’ Him wi’ mirth ow’re a’ the yirth, As ye intil His presence gang.

³ Ken ilka ane, He’s God alane; Oor Makkar, He and nane beside; We are His folk, we are His flock, Wha in His pasture may abide.

⁴ Wi’ thankfu’ hert gang thro’ the yett, And liltin’, a’ His Temple thrang; It’s richt that we sood gratefu’ be, And bless His name baith lood and lang.

⁵ For God is kind, we a’ maun mind; His mercy siccar aye sal be; Lippen His truth, for it is sooth, As age on age can testifee.