Zeremii 45 - LAWA A BOO SONBORE

Lawa a boo Baruku wɔ lɛa

¹ Zoziasi a nɛgiĩ Zoakimu a kiibaa lɛ̀ siibaa ǹ wɔ li Zudaa gána mìi la, Lawa a boo gii-dali Zeremii boon da Neriya a nɛgiĩ Baruku ni, Baruku nə ǹ kiɛ̃.

² Baruku, Dɛnaa Lawa, Izirayeli a Lawa n kɛ pii n wɔ paǹ li:

³ – Ń goã ń pɛ kɛnɛn: «Masɛ wɔ n ka koe ne. Hiĩ, man nɔmaa-n lɛlɛ ǹ dùũ, Dɛnaa Lawa wusoo á daa màn da maa foo ziziɛ̃ li. Má nɔmaa ka ginii ni. Susui ba ma la wa.»

⁴ Dɛnaa Lawa boo mɛn da n wɔ paǹ li, bɛ á ke kəni: Ma màn mɛn dɔ, man bɛ wurii, ma màn mɛn zumu, man bɛ wɛ̃, man zɛnɛɛ miɛ̃ gána lɛ tumaa nɛ.

⁵ Sɛnɛ nsɛ n nɔ̀n diɛ sii dadaran li n din wɔ lɛa! N nyan màn kɔn nyankɔ wa. Á ke, man koe boe màn yiikoonaa tumaa ganaa, Dɛnaa Lawa a da ǹ boo ne. Sɛnɛ nsɛ, n bɛ́ re màn mɛn yii, bɛ á ke: N bɛ́ re woe bǎã woo bǎã nɛ, n yii á re goɛ̃ koo.