Sii-nyaan 4 - LAWA A BOO SONBORE

Lon mànan Lawa guguru kɔ ǹ gɔn

¹ Bɛ kio, má kiɛnlɛ yɛ á n bũ lon. Ma goã má lɛn mɛn ma boe lɛlɛ ka bɛn wɔ bɛ́ lɔn, bɛ́ tɔ́n pɛ ma nɛ: «Da dii kànaa, sii mɛn bɛ́ re n zɛnɛɛ bɛ kio, ma á re nyɛɛ n nɛ.»

² Bɛ lɛ ganaa gɔrɔ, Lawa a Yiri Fu ma kũ á woo ma-n lon, má kii dankan goon yɛ tán, min kɔ́n nə́ giã-n la.

³ Ǹ dɛnaa yɔrɔ n tɛ pii ka lɔn bɔlɔ-a ǹ gii bɛ́ lɔn, a tãtãn nɛ ka a bɔlɔn-dɛnan nɛ. Lamɛn bɔ á kii dankan lɛ lɛnpɛnɛ, a n tɛ pii ka gii bɛ́ lɔn, sɛnɛ, a gɔ̀nɔn nə ka buu buruu bɛ́ lɔn.

⁴ Kii dankan fuəwensii kɔsɔn nə́ dankan goon kɛ lɛ lɛnpɛnɛ, *min gole fuəwensii n giã nɛ ǹ tumaa nɛ, ǹ nə́ mɔnaa fufun wɔ ka sana kii bafolon ne ǹ mìin ganaa.

⁵ La na á goã parɛɛ, a n tɛ pii kii dankan lɛ yɔrɔ-a. Lɛn dɔ goã boe walan. Bolon sɔbaa goã kuĩ dankan lɛ yɔrɔ-a, Lawa a Yiri sɔbaa kɛn ka bɛ nɛ.

⁶ Dankan lɛ yɔrɔ-a, màn na á goã tán, pəmə ka yìsi mu bɛ́ lɔn, yii n wɔlɔ yii a nɛ ka damalon bɛ́ lɔn. Dankan lɛ genli foɛɛ̃nɛ, a paǹan paanan li, màn yiikoonaa pàãdɛnaa sii goã bii-a, ǹ paǹ tumaa n yii nàn lɛa, ǹ yɔrɔ-a nɛ ka ǹ kio ne.

⁷ Màn lɛ a bibinaa na á kɔnbɔ ka yàra nɛ, a paabaa ǹ wɔ n ka dii gɔ̀lɔ̀ ten bɛ́ lɔn, a sɔɔbaa ǹ wɔ na á kɔnbɔ ka minbuiin ni, a siibaa ǹ wɔ na á kɔnbɔ ka giogialatãa mɛn bɛ́ á n nyàan nyɔmaa.

⁸ Màn yiikoonaa pàãdɛnaa sii lɛ gogoonmaa nyàan man sɔrɔ, yii nàn nə́ ǹ paǹ tumaa ganaa, ǹ nyàa giulun ni ka a kanaa nɛ. Maǹ loe loe baayɛlɛ ka tèlò tumaa nɛ ǹ nə́ pii: N tá sonbore, n tá sonbore, n tá sonbore, wɔa Dɛnaa Lawa Pàãyiidɛnaa mɛn bɛ́ á goã, a ná a tan, a n die die dɔn.

⁹ Min mɛn bɛ́ kii dankan nɛ, a yii n koo yǎa duduu, bɛ̀ màn yiikoonaa sii lɛ yoo, ǹ nə́ loe lɔ ǹ ná a tɔ bɔ, ǹ ná a guguru kɔ, ǹ nə́ barka da-n lɔn,

¹⁰ min golen fuəwensii mɛnɛn bɛ́ ǹ tan, bɛn man yui ǹ kaa tán, kii dankan dɛnaa lɛ yɔrɔ-a. Min mɛn bɛ́ a tan yǎa duduu, maǹ bɛ guguru koe. Maǹ nə́ ǹ kii bafolon waa ǹ nə́ ǹ zũ tán kii dankan lɛ yɔrɔ-a, ǹ nə́ pii:

¹¹ «Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»