Siin Giala 10 - LAWA A BOO SONBORE

Kanaa minbuiinin boo

¹ Bɔ̀n da ǹ mu gole lɛ a kiɛ̃ kio, Nowee a nɛgiĩn lɛn, Sɛmu ni, Kaamu ni ka Zafɛti ni, ǹ nə́ nɛnyaanan yɛ. Ǹ tɔrɔ basa á ke:

² Zafɛti a nɛnyaanan man kɛn nɛ: Gomɛɛrɛ nɛ, Magɔgə ne, Madayi ni, Yavan nɛ, Tubaali ni, Mesɛki laanka Terasi ni.

³ Gomɛɛrɛ a nɛnyaanan man ka Askenazi ni, ka Rifati laanka Togarma nɛ.

⁴ Yavan a nɛnyaanan man ka Eliizaa nɛ ka Tarsisi ni, ka Kitimu laanka Rodanimu ni.

⁵ Ǹ dinin lɛn tɔrɔn man kɛn nɛ ǹ nə́ n nana kɔn, ǹ nə́ giã kɔ̀ mu lɛ-a ǹ nɛ. Ǹ nə́ tɔrɔn baa, didie n giã nɛ a din a gána nɛ, a din a kiwi, a din a bɔlɔ pii.

⁶ Kaamu a nɛnyaanan man ka Kuusu ni, ka Misirayimu ni, ka Puutu laanka Kanaan nɛ.

⁷ Kuusu a nɛnyaanan man ka Sebaa nɛ, ka Avilaa nɛ, Sabata nɛ, ka Ragma laanka Sabatekaa nɛ. Ragma a nɛnyaanan man ka Sabaa laanka Dedan nɛ.

⁸ Kuusu na á Nemurɔdi yɛ. Bɛ lɛ na á pàãdɛnaa bibinaa baa tán la.

⁹ A din dɔ na á don-baali babaraa baa Dɛnaa yɔrɔ-a. Bɛ lɛ nɛ, ǹ tá a suusu diɛ kɛnɛn: «N nə n baa don-baali babaraa lɛa ka Nemurɔdi bɛ́ lɔn Dɛnaa yɔrɔ-a.»

¹⁰ A goã kii lɛa, kiwin mɛnɛn nɛ bibinaa nɛ, bɛn man ka Baabeli ni, Erɛki ni, ka Akaadi ni, *Baabilonii gána nɛ.

¹¹ Bɛ kio á soo á n bɔ walan, á woo Asiirii gána nɛ. A kiwin mɛnɛn koa walan, bɛn man ka Ninivu ni, Rehobɔtiiri ni, kiwi gole Kelaa nɛ,

¹² ka Rɛsɛnɛ nɛ, asɛ n Ninivu laanka Kelaa bii ni.

¹³ Misirayimu a nɔ̀ɔnɔn man ka Ludu minin ni, Anaamu minin ni, Lehabu wɔn nɛ, Naftoa wɔn nɛ,

¹⁴ Patrɔsi minin ni, ka Kasloa minin ni, ka Kafutɔɔrɔ minin ni, Filisiti minin nə bɔ ǹ mɛnɛn nɛ.

¹⁵ Kanaan na á Sidɔn yɛ a nɛ bibinaa lɛa, bɛ kio Ɛti.

¹⁶ Zebuzu minin ni, Amɔɔrɔ minin ni, Girgazi wɔn nɛ,

¹⁷ Ivii kiwi wɔn nɛ, Arkii wɔn nɛ, Sini wɔn nɛ,

¹⁸ Arvadii wɔn nɛ, Semarii wɔn nɛ ka Amaati minin ni, ǹ tumaa digolo n ka Kanaan lɛ nɛ. Bɛ kio, Kanaan minin sɔmɔn lɛn nə́ sasawaa.

¹⁹ Kanaan gána nə́ n lɛ bɔ li ka bɛ nɛ, á saa Sidɔn kiwi ganaa dia-n woe Geraara la yǎa Gaazaa. Á saa Sodɔmu dɔ ganaa, ka Gomɔɔrɔ nɛ, Admaa laanka Seboyimu ni, yǎa Lesaa.

²⁰ Kaamu a nɛnyaanan lɛn man ka bɛn nɛ, ǹ nə́ n nana kɔn ǹ tɔrɔ lɛ yii li, a kɔnpɛ ka ǹ pɛ ǹ bɔlɔ nɛ, ǹ nə́ n sɔkɔn gánan lɛa, didie giã a kiwi.

²¹ Zafɛti ǹ gologiĩ Sɛmu dɔ́ nɛnyaanan yɛ. Ebɛɛrɛ laanka a tɔrɔn tumaa na á bɔ a din lɛ nɛ.

²² Sɛmu a nɛnyaanan man ka Elamu ni, Asuuru ni, Arpaksaadi ni, Ludu ni ka Aramu ni.

²³ Aramu a nɛnyaanan man ka Usu ni, Hulu ni, Getɛɛrɛ nɛ ka Maasi ni.

²⁴ Arpaksaadi na á Selaa yɛ, Selaa dɔ na á Ebɛɛrɛ yɛ.

²⁵ Ebɛɛrɛ na á nɛgiĩ paa yɛ: A goledɛnaa tɔ mà Pelɛɛgi (bɛ giala mà "Nakɔn"), a giala mà kanaa minin man nə́ n nana kɔn a wɔa wasa nɛ. A boɛɛndɛnaa lɛ tɔ mà Yoktan.

²⁶ Yoktan na á Almodaadi yɛ, ka Selɛfu ni, ka Hasarmawɛti ni, ka Zeraa nɛ,

²⁷ ka Hadoramu ni, ka Huzali ni, Diikla nɛ,

²⁸ Obaali ni, Abimayeli ni, Sabaa nɛ,

²⁹ Ofiiri ni, Avilaa nɛ ka Yobabu ni. Bɛn lɛn tumaa n Yoktan a nɛnyaanan lɛa.

³⁰ Ǹ giã ǹ bǎã n siɛ tán Mesaa, dia-n woe Sefari la, yǎa lɛ̀giala kele kɛ li.

³¹ Sɛmu tɔrɔn man ka bɛn lɛn nɛ, ǹ nə́ n nana kɔn ǹ tɔrɔ lɛ yii li, a kɔnpɛ ka ǹ pɛ ǹ bɔlɔ nɛ, ǹ nə́ n sɔkɔn gánan lɛa, didie giã a kiwi.

³² Nowee a nɛnyaanan lɛn sɔmɔ lɛ minin man ka bɛn nɛ, ǹ nə́ n tɔ kɔn lɛ kion lɛ li, ǹ nə́ tɔrɔn baa. Tɔrɔn man nə́ bɔ ǹ dinin lɛn nɛ, ǹ nə́ n sasawaa tán la bǎã tumaa nɛ, bɔ̀n da ǹ mu gole lɛ a kiɛ̃ kio.