Nehemii 11 - LAWA A BOO SONBORE

Zuifun mɛnɛn nə wusoo ǹ nə́ daa giã Zeruzalɛmu

¹ Bɛ kio, zaman lɛ a nyɛɛnaandɛnan nə́ giã Zeruzalɛmu. Zaman gialakun lɛ nə́ n pã, màn mɛn bɛ́ toɛ min fù bii, min goon da giã Lawa a kiwi Zeruzalɛmu kɛ nɛ, a manangɔrɔ gialakun kɛ goã kiwi kɔsɔn nɛ.

² Giĩn mɛnɛn tumaa lɛ kɔ mà ǹ tá giɛ̃ Zeruzalɛmu, zaman lɛ barka da bɛn ganaa.

³ Gána lɛ a nyɛɛnaandɛnan man nə́ giã Zeruzalɛmu. Sɛnɛ, Izirayeli a zaman gialakun lɛ nɛ, *Levii tɔrɔn nɛ, min mɛnɛn bɛ́ dí nyɛɛ minin giulun Lawa a kion, bɛn nɛ, Salomɔn a dí-nyalin kɛn tɔrɔn nɛ, bɛn nə́ goã giãnɛ ǹ dinin kiwin ni, didie ná a tán la.

⁴ Zudaa tɔrɔn kɔnɔn laanka Bɛnzamɛn tɔrɔn kɔnɔn nə́ giã Zeruzalɛmu kiwi. Zudaa tɔrɔn bii: Oziasi tɔrɔ Ataya nɛ, a tɔrɔ n ka Zakarii ni, ka Amariya nɛ, ka Sefatia nɛ, ka Mahalaleeli ni, maǹ Perɛzi tɔrɔn lɛa.

⁵ Baruku tɔrɔ Maaseya nɛ: a tɔrɔ n ka Kɔl-Hoze ne, ka Hazaya nɛ, ka Adayaa nɛ, ka Zozaribu ni, ka Zakari laanka Silonii ni.

⁶ Perɛzi tɔrɔn mɛnɛn nə goã giã-n Zeruzalɛmu kiwi, ǹ kaakun nə min biɛsii ka pɔsɔrɔwenkiwisi (468), min foo taãnaan lɛa.

⁷ Min mɛnɛn bɛ́ Bɛnzamɛn tɔrɔn lɛa, bɛn nə́ ke: Mesulaamu tɔrɔ Saluu ke, Zowɛdi tɔrɔ lɛa, Pedayia tɔrɔ lɛa, Kolaya tɔrɔ lɛa, Maaseya tɔrɔ lɛa, Itiyeli laanka Yesaya tɔrɔ lɛa, bɛ nɛ,

⁸ ka Gabayii laanka Salayii ni: ǹ kaakun min biɛmanangɔrɔ ka fuəwenkiwisi (928).

⁹ Zikiri a nɛgiĩ Zowɛli na á goã ǹ nyɛɛnaandɛnaa lɛa, Ha-Senuwa a nɛgiĩ Yewudaa na á goã koɛ kiwi nyɛɛnaandɛnaa la.

¹⁰ Lawa a wúlu-bɔlen bii: Yoyaribu tɔrɔ Yedaya nɛ, Yakini ni,

¹¹ Hilkiya tɔrɔ Seraya ke, Mesulaamu tɔrɔ lɛa, Sadɔki tɔrɔ lɛa, Merayɔti tɔrɔ lɛa, Ayitubu tɔrɔ lɛa, Lawa guguru kɔ ǹ kion kɛ a nyɛɛnaandɛnaa gole lɛa, bɛ nɛ,

¹² ka ǹ dɔɔ̃nɔn kɛn dɔn nɛ dí nyɛɛ Lawa a kion: min biɛkiwisi ka fuəwenpaa (822). Yerohamu tɔrɔ Adayaa ke, Pelalia tɔrɔ lɛa, Amusi tɔrɔ lɛa, Zekaria tɔrɔ lɛa, Pasewuru tɔrɔ lɛa, Malkiya tɔrɔ lɛa, bɛ nɛ,

¹³ ka ǹ dɔɔ̃nɔn mɛnɛn bɛ́ kɛdɛnan lɛa: min biɛpaa ka pusiwenpaa (242); Azareli tɔrɔ Amasesayi ke Azayii tɔrɔ lɛa, Mesiemɔti tɔrɔ lɛa, Imɛɛrɛ tɔrɔ lɛa,

¹⁴ bɛ nɛ, ka ǹ dɔɔ̃nɔn mɛnɛn bɛ́ giĩ foo taãnaan lɛa, min paabiɛ ka fuəwenkiwisi (128). Ǹ nyɛɛnaandɛnaa na á goã ka Ha-Gedolimu tɔrɔ Zabdiyeli ni.

¹⁵ Levii tɔrɔn bii: Hasuubu tɔrɔ Semayia ke Azirikaamu tɔrɔ lɛa, Hasabia tɔrɔ lɛa, Bunii tɔrɔ lɛa, bɛ nɛ,

¹⁶ ka Sabutayii laanka Zozabaadi ni. Sabutayii lɛ laanka Zozabaadi lɛ n kun ka Levii tɔrɔn nyɛɛnaandɛnan nɛ, dí mɛn bɛ́ n nyɛɛ Lawa a kion kɛ a kanaa wɔlɔ ganaa, bɛ nə ǹsɛn gɔn.

¹⁷ Misee tɔrɔ Matania ke, Zabdii tɔrɔ lɛa, Azaafu tɔrɔ lɛa, Lawa guguru kɔ ǹ loe nyɛɛnaan-bɔle lɛa Lawa nyankɔ ǹ bǎã nɛ, bɛ nɛ, ka Balbukia kɛ nɛ koɛ la ǹ dɔɔ̃nɔn bii, ka Samuwa tɔrɔ Abdaa kɛ nɛ, Galaati laanka Yedutunu tɔrɔ lɛa.

¹⁸ Levii tɔrɔn mɛnɛn tumaa goã Lawa a kiwi lɛ nɛ, maǹ min biɛpaa ka pɔkiwisiwensii (284).

¹⁹ Kiɛnlɛ-lɛduə̃lin dɔn: Akubu ni, Talmɔn nɛ, ka ǹ dɔɔ̃nɔn nɛ, kiɛnlɛ-lɛduə̃lin lɛn man min paabiɛ ka pɔsɔbaawenpaa (172).

²⁰ Izirayeli minin gialakunun kɛn kun ka Lawa a wúlu-bɔlen laanka Levii tɔrɔn nɛ, bɛn nə́ goã Zudaa gána a kiwin tumaa nɛ, didie ná a tán la.

²¹ Min mɛnɛn bɛ́ dí nyɛɛ Lawa a kion, bɛn maǹ nə́ goã giã-n Ofɛli, Sia laanka Gisipaa na á goã ǹ mìilandɛnan lɛa.

²² Levii tɔrɔn nyɛɛnaandɛnaa goã ka min mɛn nɛ Zeruzalɛmu kiwi, Banii tɔrɔ Uuzi ni. Uuzi lɛ n Hasabia tɔrɔ lɛa, Matania laanka Misee dɔ tɔrɔ nɛ. A n Azaafu tɔrɔn kɛn min goon lɛa. Bɛa Azaafu tɔrɔn lɛn man loe-lɔlin lɛa Lawa a kion.

²³ A giala, bɛ na á goã kii a gɔn waa ǹ boo lɛa, ǹ wɔ paǹ li. Lɛ̀ bɛ́ wɛɛ lɔn, ǹ doamaa bɛ́ ka dí mɛn nɛ, ǹ nə́ goã bɛ koe ǹ la.

²⁴ Mesezabɛli a nɛgiĩ Petaya ke, Zeraa a tanlɛ min lɛa, Zudaa tɔrɔ lɛa, bɛ na á goã kii lɛ genli zaman lɛ a sii tumaa a yɔrɔ bɔ taman yii.

Zuifun mɛnɛn bɛ́ ǹ ba Zeruzalɛmu gɔ́ɔ̃n wa

²⁵ Kiwi bisinin mɛnɛn bɛ́ sawaa nɛ donən ne, Zudaa tɔrɔn lɛn sumun tɛnɛn minin nə́ giã walan: Kiriyati-Arabaa a kiwi laanka a lɛ-a ǹ kiwi bisinin manɛ, Dibɔn laanka a lɛ-a ǹ kiwi bisinin ni, Yekabuseli laanka a lɛkoro lɛ-a bǎãn nɛ,

²⁶ Zozoe kiwi ni, Moladaa kiwi ni, Bɛti-Palɛti ni,

²⁷ Hasara-Suwala nɛ, Bɛɛr-Sebaa laanka a lɛkoro lɛ-a bǎãn nɛ,

²⁸ Siglagi ni, Mekonaa laanka a lɛkoro lɛ-a bǎãn nɛ,

²⁹ Ɛn-Rimɔn nɛ, Soreya nɛ, Yarmuti ni,

³⁰ Zanoa nɛ, Adulaamu ni, ka ǹ kiwi bisinin ni, Lakisi kiwi laanka a don ne, Azeka laanka a lɛkoro lɛ-a bǎãn nɛ. A saa Bɛɛr-Sebaa ganaa, ǹ nə́ giã miɛ̃ yǎa Hinɔmu a nyankɔrɔ lɛ kɛ nɛ.

³¹ Bɛnzamɛn tɔrɔn man nə́ goã giã-n Gebaa kiwi, Mikimaasi kiwi ni, Aya kiwi ni, Betɛli kiwi laanka a lɛkoro lɛ-a bǎãn nɛ,

³² Anaatɔti kiwi ni, Nɔbu kiwi ni, Anania kiwi ni,

³³ Asɔɔrɔ kiwi ni, Ramaa kiwi ni, Gitayimu kiwi ni,

³⁴ Hadidi kiwi ni, Sewoyimu kiwi ni, Nebalati kiwi ni,

³⁵ Lɔdi kiwi laanka Ono kiwi ni, ka dí-nyalin nyankɔrɔ lɛ kɛ nɛ.

³⁶ Zudaa gána a Levii tɔrɔn lɛn kurun tɛnɛn nə́ woo giã Bɛnzamɛn tɔrɔn bii.