Minin nimi 33 - LAWA A BOO SONBORE

Izirayeli minin nə bɔ bǎãn mɛnɛn nɛ

¹ Izirayeli minin lɛn bɛ́ ǹ nə́ soo ǹ nə́ n bɔ Ezipti gána nɛ koa-n kɔn la sɔnbɔraanɛ, Muizu laanka Aarɔn nə́ ǹ nyɛɛnaan boe, ǹ goã ǹ nə́ bɔ bǎãn mɛnɛn nɛ, bɛn nə́ ke:

² Izirayeli minin lɛn nə goã golee bǎãn mɛnɛn nɛ, bɛ̀ ǹ wusoo ǹ yoo ǹ tɔ wɔ, ka Dɛnaa Lawa goã pii ǹ nɛ lɔn, Muizu goã á bɛa bǎãn lɛn tɔn kiɛ̃. Ǹ golee bǎãn mɛnɛn nɛ, ǹ nə́ tɔ́n yoo ǹ nə́ tɔ wɔ, bɛa bǎãn lɛn tɔn nə́ ke:

³ Izirayeli minin lɛn man nə́ soo Ramsɛsi, lɛ̀ a mui bibinaa li, a lɛawaa fulusoorobaa ǹ wɔ pinaa. *Kiɛ̃mala ǹ zɔ́n a lɛawaa nɛ, Izirayeli minin lɛn nə́ soo ǹ dinin gɔn wìi a lɛa, Ezipti minin lɛn tumaa yii ni.

⁴ Bɛ á zɛnɛɛ, bɛ̀ Ezipti minin lɛn sɛn tá a gialaa ǹ nɛgiĩ bibinaan gere bĩ. Dɛnaa Lawa na á bɛa nɛgiĩ bibinaan lɛn tumaa dɛ, á dɔlɔ bɔ Ezipti minin lɛn dìn ganaa nɛ.

⁵ Izirayeli minin lɛn nə́ n toa Ramsɛsi, ǹ nə́ woo golee Sukɔti.

⁶ Ǹ nə́ n toa Sukɔti, ǹ nə́ woo golee Etamu, diə gole lɛkoro-a.

⁷ Ǹ nə́ n toa Etamu, ǹ nə́ n lɛ goa ǹ nə́ daa Piayirɔti kiwi, Baali-Sefɔn yɔrɔ-a, ǹ nə́ tɔ́n golee Migdɔli kiwi yɔrɔ-a.

⁸ Ǹ nə́ yoo Ayirɔti yɔrɔ-a, ǹ nə́ yìsi mu kuru ǹ nə́ woo diə gole ne. Ǹ nə́ lɛawaa sɔɔ zii tɔ wɔ Etamu don, ǹ nə́ woo golee Maaraa.

⁹ Ǹ nə́ n toa Maaraa ǹ nə́ woo Elimu. Mu yala fulupaa na á goã bɛa bǎã lɛ nɛ, ka sèwo da pɔsɔbaa nɛ. Izirayeli minin lɛn nə́ golee a nɛ.

¹⁰ Ǹ nə́ n toa Elimu, ǹ nə́ woo golee kunu Sawɛɛ tà lɛa.

¹¹ Ǹ nə́ n toa Sawɛɛ tà lɛ a, ǹ nə́ woo golee Sini don.

¹² Ǹ nə́ n toa Sini don, ǹ nə́ woo golee Dɔfukaa.

¹³ Ǹ nə́ n toa Dɔfukaa, ǹ nə́ woo golee Aluku.

¹⁴ Ǹ nə́ n toa Aluku ǹ nə́ woo golee Refidimu. Zaman lɛ na a mu yɛ walan lɛ nɛ, ǹ nə́ mi wa.

¹⁵ Ǹ nə́ n toa Refidimu, ǹ nə́ woo golee Sinayii don.

¹⁶ Ǹ nə́ n toa Sinayii don, ǹ nə́ woo golee Kibrɔti-taawa.

¹⁷ Ǹ nə́ n toa Kibrɔti-Taawa, ǹ nə́ woo golee Aserɔti.

¹⁸ Ǹ nə́ n toa Aserɔti, ǹ nə́ woo golee Ritmaa.

¹⁹ Ǹ nə́ n toa Ritmaa, ǹ nə́ woo golee Rimɔn-Perɛzi.

²⁰ Ǹ nə́ n toa Rimɔn-Perɛzi ǹ nə́ woo golee Libnaa.

²¹ Ǹ nə́ n toa Libnaa, ǹ nə́ woo golee Risaa.

²² Ǹ nə́ n toa Risaa, ǹ nə́ woo golee Keyelati.

²³ Ǹ nə́ n toa Keyelati, ǹ nə́ woo golee Sefɛɛrɛ kele la.

²⁴ Ǹ nə́ n toa Sefɛɛrɛ kele la, ǹ nə́ woo golee Aradaa.

²⁵ Ǹ nə́ n toa Aradaa, ǹ nə́ woo golee Makeyelɔti.

²⁶ Ǹ nə́ n toa Makeyelɔti, ǹ nə́ woo golee Taati.

²⁷ Ǹ nə́ n toa Taati, ǹ nə́ woo golee Teraa.

²⁸ Ǹ nə́ n toa Teraa, ǹ nə́ woo golee Mitkaa.

²⁹ Ǹ nə́ n toa Mitkaa, ǹ nə́ woo golee Asimoonaa.

³⁰ Ǹ nə́ n toa Asimoonaa, ǹ nə́ woo golee Moserɔti.

³¹ Ǹ nə́ n toa Moserɔti, ǹ nə́ woo golee Bene-Yaakan.

³² Ǹ nə́ n toa Bene-Yaakan, ǹ nə́ woo golee Hɔrɔ-Gidigaadi.

³³ Ǹ nə́ n toa Hɔrɔ-Gidigaadi, ǹ nə́ woo golee Yotbataa.

³⁴ Ǹ nə́ n toa Yotbataa, ǹ nə́ woo golee Abronaa.

³⁵ Ǹ nə́ n toa Abronaa, ǹ nə́ woo golee Esiɔn Gebɛɛrɛ.

³⁶ Ǹ nə́ n toa Esiɔn Gebɛɛrɛ, ǹ nə́ woo golee Kadɛsi, Sini don.

³⁷ Ǹ nə́ n toa Kadɛsi, ǹ nə́ woo golee Hɔrɔ kele la, Edɔmu gána lɛkoro-a.

^38-39 Dɛnaa Lawa tɔ́n Lawa a wúlu-bɔle Aarɔn da dii ganaa Hɔrɔ kele lɛ la. Aarɔn dii á gã walan, bɛ̀ a lɛ̀ paabiɛ ka fuəwensɔɔ nɛ. A na á gã lɛ̀ a mui soorobaa ǹ wɔ a giala-kɔ pinaa, Izirayeli minin lɛn soo a bɔ Ezipti gána nɛ a lɛ̀ pusibaa ǹ wɔ li.

⁴⁰ Aaradi kiwi a kii ke Kanaan gána min lɛa, giã-n gána lɛ a gusin a lɛ̀gɔn la, bɛ́ Izirayeli minin lɛn daa boo ma.

⁴¹ Izirayeli minin lɛn nə́ n toa Hɔrɔ kele lɛ la, ǹ nə́ woo golee Salmonaa.

⁴² Ǹ nə́ n toa Salmonaa ǹ nə́ woo golee Punɔn.

⁴³ Ǹ nə́ n toa Punɔn ǹ nə́ woo golee Obɔti.

⁴⁴ Ǹ nə́ n toa Obɔti ǹ nə́ woo golee Ye-Abarimu, Moabu gána gèlè la.

⁴⁵ Ǹ nə́ n toa Ye-Abarimu, ǹ nə́ woo golee Dibɔn-Gaadi.

⁴⁶ Ǹ nə́ n toa Dibɔn-Gaadi ǹ nə́ woo golee Almɔn-Diblatayimu.

⁴⁷ Ǹ nə́ n toa Almɔn-Diblatayimu, ǹ nə́ woo golee Abarimu kelen la.

⁴⁸ Ǹ nə́ n toa Abarimu kelen la, ǹ nə́ woo golee Moabu gána a nyankɔrɔ lɛ kɛ nɛ, kunu Zurdɛ̃ tà ganaa Zerikoo kiwi yɔrɔ-a.

⁴⁹ Maǹ nə́ giã Moabu gána a nyankɔrɔ lɛ lɛ nɛ, kunu Zurdɛ̃ tà li, Bɛti-Yesimɔti laanka Abeli-Sitimu biin ni.

Gɔn waamanɛ Kanaan gána kuĩ paǹ li

⁵⁰ Dɛnaa Lawa boo da Muizu ni, Moabu gána a nyankɔrɔ lɛ nɛ, kunu Zurdɛ̃ tà li, Zerikoo kiwi yɔrɔ-a:

⁵¹ Boo da Izirayeli minin lɛn nɛ, n pɛ ǹ nɛ: «Bɛ̀ ka Zurdɛ̃ tà kɛ kuru, ka wɔ Kanaan gána nɛ,

⁵² ka die ka gána lɛ a minin tumaa loo ka ǹ bɔ ka nyɛɛnɛ, ka ǹ tíĩ kɔlɔn kɛn tumaa papaã, ka ǹ fɔlɔ yoe màn nyín zɛnaan kɛn tumaa nɛ. Ka die ka ǹ wúlu bɔ ǹ bǎãn tumaa ziziɛ̃.

⁵³ Ka gána lɛ si ka baa kaa wɔ lɛa, ka giã a nɛ. A giala, ma din nə bɛa gána kɛ lɛ koe ka la, màn mɛn bɛ́ toɛ a kaa wɔ baa.

⁵⁴ Ka die ka n pã ka gána lɛ gii kaa tanlɛn manɛ. Bɛ̀ tanlɛ lɛ mɛn tá gole, ka bɛ wɔ gii baa gole. Bɛ̀ tanlɛ lɛ mɛn ba tɛ wa, ka bɛ wɔ gii baa boɛɛnɛ. Bɛ̀ ka n pã, yǎa a mɛnaa bǎã mɛn la min mɛn wɔ lɛa, bɛa dɛnaa a bǎã lɛ n goɛ̃ walan. Ka die ka bǎã lɛ gii ka dinin di tɔrɔn biin ni.

⁵⁵ Sɛnɛ, bɛ̀ ka gána lɛ a minin tumaa loo ǹ nə́ ǹ bɔ ka nyɛɛ́n wa, ka bɛ́ re kaa min mɛnɛn toɛ walan, bɛn maǹ die goɛ̃ ka nyan bɛ́ lɔn ka yii ni, ka kiɛnɛn bɛ́ lɔn ka gánà nɛ. Maǹ die boe ka yii ni bɛa gána kɛ lɛ nɛ, ka n die giɛ̃ a nɛ.

⁵⁶ Ma bɛ́ má goã má taasɛ, máa ma á re sii mɛn zɛnɛɛ bɛa minin kɛn lɛn manɛ, man die n bɔyɛɛ ma bɛ zɛnaa ka dinin kɛn lɛn manɛ.»