Minin nimi 26 - LAWA A BOO SONBORE

¹ Dɛnaa Lawa boo da Muizu ni, ka Aarɔn a nɛgiĩ Eleyazaara Lawa a wúlu-bɔle kɛ nɛ, á pɛ:

² «Ka Izirayeli zaman lɛ a min tumaa nimi sumu lɛ yii li. Min mɛnɛn tumaa lɛ̀ fuə bɛ́ nɛ, ka lɛ̀ fuə ka kio ne, ǹ nə́ boe zia baa la, ka ǹ nimi.»

³ Muizu laanka Lawa a wúlu-bɔle Eleyazaara lɛ tɔ́n boo da zaman lɛ nɛ, Moabu gána a nyankɔrɔ lɛ kɛ nɛ, Zurdɛ̃ tà lɛ-a, Zerikoo kiwi yɔrɔ-a, ǹ nə́ pɛ:

⁴ «Giĩn mɛnɛn lɛ̀ fuə bɛ́ nɛ, ka lɛ̀ fuə ka kio ne, maǹ die bɛn nimii, ka Dɛnaa Lawa goã á pɛ Muizu-n lɔn.» Izirayeli tɔrɔn mɛnɛn nə goã ǹ nə́ soo Ezipti gána nɛ, bɛn man ka kɛn nɛ:

⁵ Bibinaa nɛ, Zakɔba a nɛgiĩ bibinaa Urubɛn a tanlɛn manɛ. Tanlɛn mɛnɛn nə bɔ Urubɛn lɛ a nɛnyaanan nɛ, bɛn lɛn kaa kun nə Urubɛn tanlɛn lɛn lɛa: Enɔki a tanlɛ minin manɛ, Paluu a tanlɛ minin ni,

⁶ Ɛsirɔn a tanlɛ minin ni, ka Karmii a tanlɛ minin ni.

⁷ Bɛn lɛn man Urubɛn tɔrɔn tanlɛn lɛa, ǹ minin man min duu pusiwensɔɔ ka biɛsɔbaa ka pɔsɔɔ (43 730).

⁸ Eliabu ke, Paluu tɔrɔ goon lɛa,

⁹ bɛa nɛnyaanan man nə́ goã ka Nemuweli ni, ka Datan laanka Abiramu ni. Datan lɛ laanka Abiramu lɛ nɛ, bɛa minin kɛn lɛn ma ǹ min yii guguru-an lɛa zaman lɛ bii, ǹ dinin kɛn lɛn man nə́ goã ǹ nə́ yoo Muizu laanka Aarɔn gialaa. Maǹ nə́ goã kun ka Koree a kiodɛnan kɛn nɛ, bɛ̀ bɛn bɛ́ n gòãn dii Dɛnaa Lawa ganaa biikoo mɛn li.

¹⁰ Tán nə́ tɔ́n nə n lɛ bũ, á n lɛ tɔrɔ ǹ ganaa, ka Koree dɔ nɛ. Koree a kiodɛnan lɛn bɛ́ ǹ nə́ gã, tɛ bɛ́ á min biɛpaa ka posooro (250) lɛ kũ ǹ yii n koo, bɛ nə́ n baa sii a kɔnboe lɛa, zaman gialakun lɛ gɔn.

¹¹ Sɛnɛ Koree a nɛnyaanan sɛn nə goã ǹ nə́ gã bɛa biikoo lɛ li wa.

¹² Simiɔn a tanlɛn man ke, tanlɛ yii li: Nemuweli a tanlɛ minin manɛ, boe Nemua Ɛyeli ni, Yamin a tanlɛ minin manɛ, boe Yamin ni,

¹³ Zeraa a tanlɛ minin manɛ, boe Zeraa nɛ, ka Sawuyeli a tanlɛ minin ni, boe Sawuyeli ni.

¹⁴ Simiɔn tɔrɔn tanlɛn minin lɛn man ka bɛn nɛ. Maǹ min duu fuəwenpaa ka biɛpaa (22 200).

¹⁵ Gaadi a tanlɛn man ke, tanlɛ yii li: Sefɔn a tanlɛ minin manɛ, boe Sefɔn nɛ, Hagi a tanlɛ minin manɛ boe Hagi ni, Suuni a tanlɛ minin manɛ boe Suuni ni,

¹⁶ Ɔzinii a tanlɛ minin manɛ boe Ɔzinii ni, Erii a tanlɛ minin manɛ, boe Erii ni,

¹⁷ Arɔdi a tanlɛ minin manɛ, boe Arɔdi ni, ka Arelii a tanlɛ minin ni, boe Arelii ni.

¹⁸ Gaadi tɔrɔn tanlɛn minin man nə́ goã ka bɛn nɛ, ǹ kaa kun min duu pusi ka biɛsooro (40 500).

^19-21 Zudaa a tanlɛn man ke, tanlɛ yii li: Selaa a tanlɛ minin manɛ, boe Selaa nɛ, Perɛzi a tanlɛ minin manɛ, boe Perɛzi ni, ka Zeraa a tanlɛ minin ni, boe Zeraa nɛ. Perɛzi a tanlɛn man ke: Ɛsirɔn a tanlɛ minin manɛ, boe Ɛsirɔn nɛ, Amulu a tanlɛ minin manɛ, boe Amulu ni. Ɛrɛ laanka Onan Zudaa a nɛnyaanan lɛa, ǹ nə́ gã Kanaan gána nɛ.

²² Zudaa a tanlɛn lɛn man ka bɛn nɛ, ǹ kaa kun min duu pɔsɔbaawensɔrɔ ka biɛsooro (76 500).

²³ Isakaara a tanlɛn man ke, tanlɛ yii li: Toolaa a tanlɛ minin manɛ, boe Toolaa nɛ, ka Puwa a tanlɛ minin ni, boe Puwa nɛ.

²⁴ Yasuubu a tanlɛ minin manɛ, boe Yasuubu ni, Simurɔn a tanlɛ minin manɛ, boe Simurɔn nɛ.

²⁵ Isakaara a tanlɛ minin man ka bɛn nɛ, ǹ kaa kun min duu pɔsɔrɔwensii ka biɛsɔɔ (64 300).

²⁶ Zabulɔn a tanlɛn man ke, tanlɛ yii li: Serɛdi a tanlɛ minin manɛ, boe Serɛdi ni, Elɔn a tanlɛ minin manɛ, boe Elɔn nɛ, ka Yalayeli a tanlɛ minin ni, boe Yalayeli ni.

²⁷ Zabulɔn a tanlɛn man ka bɛn nɛ, ǹ kaa kun min duu pɔsɔrɔ ka biɛsooro (60 500).

²⁸ Zozɛfu a nɛgiĩn, Manaasee laanka Efrayimu ni, bɛn tanlɛn man ke, tanlɛ yii li:

²⁹ Manaasee a tanlɛn man ke: Makiiri a tanlɛ minin manɛ, boe Makiiri ni. Makiiri na á Galaati yɛ. Galaati a tanlɛ minin man nə́ bɔ Galaati ni.

³⁰ Galaati a tanlɛn man ke: Iyezɛɛrɛ a tanlɛ minin manɛ, boe Iyezɛɛrɛ nɛ, Elɛki a tanlɛ minin manɛ, boe Elɛki ni,

³¹ Asiriyeli a tanlɛ minin manɛ, boe Asiriyeli ni, Sɛkemu a tanlɛ minin manɛ, boe Sɛkemu ni,

³² Semidaa a tanlɛ minin manɛ, boe Semidaa nɛ, ka Hefɛɛrɛ a tanlɛ minin ni, boe Hefɛɛrɛ nɛ.

³³ Hefɛɛrɛ a nɛgiĩ Selofaadi ke, bɛ nɛginin yɛ wa, yǎa nɛlɔn dininsɔɔ̃nɔn. A nɛlɔn lɛn tɔn nə́ ke: Malaa nɛ, Noa nɛ, Milkaa nɛ, ka Tirsaa nɛ.

³⁴ Manaasee a tanlɛn man ka bɛn nɛ, ǹ kaa kun nə min duu posoorowenpaa ka biɛsɔbaa (52 700).

³⁵ Efrayimu a tanlɛn man ke tanlɛ yii li: Suutelaa a tanlɛ minin manɛ, boe Suutelaa nɛ, Bekɛɛrɛ a tanlɛ minin manɛ, boe Bekɛɛrɛ nɛ, ka Taani a tanlɛ minin ni, boe Taani ni.

³⁶ Suutelaa dɔ a tanlɛn man ka Eran a tanlɛ minin kɛn nɛ, boe Eran nɛ.

³⁷ Efrayimu tɔrɔn tanlɛ minin lɛn man ka bɛn nɛ, ǹ kaa kun min duu pɔsɔɔwenpaa ka biɛsooro (32 500). Minin nimii lɛ gɔ́ɔ̃ nɛ, tanlɛ yii li, Zozɛfu tɔrɔn lɛn man ka bɛn nɛ.

³⁸ Bɛnzamɛn a tanlɛn man ke tanlɛ yii li: Belaa a tanlɛ minin kɛn manɛ, boe Belaa nɛ, Asibeli a tanlɛ minin kɛn manɛ, boe Asibeli ni, Ayiramu a tanlɛ minin manɛ, boe Ayiramu ni,

³⁹ Sefufamu a tanlɛ minin manɛ, boe Sefufamu ni, ka Ufamu a tanlɛ minin ni, boe Ufamu ni.

⁴⁰ Belaa a nɛnyaanan man ka Arde laanka Naaman nɛ. Arde a tanlɛ minin man boe Arde ne, Naaman a tanlɛ minin dɔn man boe Naaman nɛ.

⁴¹ Minin nimii lɛ gɔ́ɔ̃ nɛ, tanlɛ yii li, Bɛnzamɛn a tanlɛn man ka bɛn nɛ, ǹ kaa kun na á goã min duu pusiwensooro ka biɛsɔrɔ (45 600).

⁴² Dan a tanlɛn man ke, tanlɛ yii li: Suhamu a tanlɛ minin dininsɔɔ̃nɔn manɛ, maǹ boe Suhamu ni. Minin nimii lɛ gɔ́ɔ̃ nɛ, tanlɛ yii li, Dan tɔrɔn tanlɛ n ka bɛ lɛ nɛ.

⁴³ Suhamu a tanlɛ minin lɛn tumaa a kaa kun nə min duu pɔsɔrɔwensii, ka biɛsii (64 400).

⁴⁴ Asɛɛrɛ a tanlɛn man ke, tanlɛ yii li: Yimnaa a tanlɛ minin manɛ, boe Yimnaa nɛ, Yisiwi a tanlɛ minin manɛ, boe Yisiwi ni, ka Beriya a tanlɛ minin ni, boe Beriya nɛ.

⁴⁵ Tanlɛn mɛnɛn nə bɔ Beriya tɔrɔn nɛ, bɛn nə́ ke: Hebɛɛrɛ a tanlɛ minin manɛ, boe Hebɛɛrɛ nɛ, ka Malkiyeli a tanlɛ minin ni, boe Malkiyeli ni.

⁴⁶ Asɛɛrɛ lɛ a nɛlɔ goon goã, a tɔ ń Seraa.

⁴⁷ Asɛɛrɛ a tanlɛn man nə́ goã ka bɛn lɛn nɛ, ǹ kaa kun min duu posoorowensɔɔ ka biɛ sii (53 400).

⁴⁸ Nɛfutalii a tanlɛn man ke, tanlɛ yii li: Yaseli a tanlɛ minin manɛ, boe Yaseli ni, Gunii a tanlɛ minin manɛ, boe Gunii ni,

⁴⁹ Yesɛrɛ a tanlɛ minin manɛ, boe Yesɛrɛ nɛ, ka Silɛmu a tanlɛ minin ni, boe Silɛmu ni.

⁵⁰ Minin nimii lɛ gɔ́ɔ̃ nɛ, tanlɛ yii li, Nɛfutalii a tanlɛn lɛn man nə́ goã ka bɛn nɛ, ǹ kaa kun na á goã min duu pusiwensooro ka biɛsii (45 400).

⁵¹ Ǹ Izirayeli minin mɛnɛn nimi, ǹ kaa kun nə́ dɔ min duu biɛsɔrɔ ka duu goon, ka biɛsɔbaa ka pɔsɔɔ (601 730).

Kanaan gána lɛ a gii ǹ gɔn

⁵² Dɛnaa Lawa boo da Muizu ni, á pɛ nɛ:

⁵³ «Ka die ka gána lɛ gii tɔrɔn lɛn manɛ, a kɔnpɛ ka tɔrɔ lɛ gogoonmaa a minbuiin lɛ nɛ.

⁵⁴ Bɛ̀ tɔrɔ lɛ mɛn a zaman tá didi, n bɛ wɔ gii baa gole. Bɛ̀ tɔrɔ lɛ mɛn a zaman ba didi wa, n bɛ gii baa kiɛɛrɛ. Ka tɔrɔ lɛ gogoonmaa gii bɔ, a kɔnpɛ ka a zaman nɛ.

⁵⁵ Sɛnɛ, ka die ka n pã ka gána lɛ gii, a kɔnpɛ ka tɔrɔ lɛ gogoonmaa a zaman nɛ.

⁵⁶ Bǎãn mɛnɛn bɛ́ re doe tɔrɔ dadaran lɛn laanka tɔrɔ bisinin lɛn ganaa, ǹ wɔ gii lɛa, bɛn woo ǹ bǎã n die n doɛ̃ ka pã nɛ.»

Levii tɔrɔn nimii a paabaa ǹ wɔ

⁵⁷ *Levii tɔrɔn lɛn bii, ǹ tanlɛn mɛnɛn nimi bɛn nə́ ke: Gɛrsɔn a tanlɛ minin manɛ, boe Gɛrsɔn nɛ, Keyati a tanlɛ minin manɛ, boe Keyati ni, ka Merarii a tanlɛ minin ni, boe Merarii ni.

⁵⁸ Levii a tanlɛn nə́ ke: Libnii a tanlɛ nɛ, Ebrɔn a tanlɛ nɛ, Malii a tanlɛ nɛ, Musi a tanlɛ nɛ, ka Koree a tanlɛ nɛ. Keyati na á Amuramu yɛ.

⁵⁹ Amuramu a lɔ tɔ na á goã Zokebɛdi. Levii a nɛlɔ n ka Zokebɛdi lɛ nɛ, a na á yɛ Ezipti gána nɛ. Zokebɛdi lɛ na á nɛ sɔɔ yɛ á kɔ Amuramu la. Bɛa nɛnyaanan lɛn man ka Aarɔn nɛ, Muizu ni, ka bɛn miãnɛn Miriyamu kɛ nɛ.

⁶⁰ Aarɔn a nɛ n sii á yɛ: Nadaabu ni, Abiu ni, Eleyazaara nɛ, ka Itamaara nɛ.

⁶¹ Nadaabu laanka Abiu sɛn nə gã, bɛ̀ ǹ bɛ́ ǹ nə́ woo ka tɛ soore ne Dɛnaa Lawa yɔrɔ-a.

⁶² Ǹ Levii tɔrɔn mɛnɛn nimi giĩn lɛa, a kũ mui goon nɛn ganaa a wo lon, ǹ nə́ dɔ min duu fuəwensɔɔ (23 000). Sonbore, ǹ goã ǹ nə́ Levii tɔrɔn lɛn sɛn nimi kun ka Izirayeli minin gialakunun lɛn nə wa, a giala Levii a tanlɛn lɛn gii goã kunun ǹ ni wa.

Minin nimii lɛ a boo gɔn nyɔmiɛ̃

⁶³ Muizu laanka Lawa a wúlu-bɔle Eleyazaara bɛ́ ǹ nə́ Izirayeli minin lɛn nimi Moabu a nyankɔrɔ lɛ nɛ, Zurdɛ̃ tà lɛ-a, Zerikoo kiwi yɔrɔ-a, ǹ minin mɛnɛn nimi, ǹ dinin lɛn man ka kɛn nɛ.

⁶⁴ Muizu laanka Aarɔn goã ǹ nə́ Izirayeli minin mɛnɛn nimi Sinayii diə gole-n ke, haalɛ bɛn min goon din goã kunun ǹ ni wa.

⁶⁵ A giala, Dɛnaa Lawa na á goã á pɛ ǹsɛn wɔ paǹ li, mà maǹ die giɛ̃ diə gole kɛ nɛ, a giala yii li. Á ke Sonbore, ǹ min goon nə goã wa, bɛ̀ á n bɔ Yefune a nɛgiĩ Kalɛbu laanka Nunu a nɛgiĩ Zozoe ne.