Loen 82 - LAWA A BOO SONBORE

Lawa a golebaa boo

1 Asaafu a loe goon ne.

¹ Asaafu a loe goon ne. Lawa yoo á golee, a dí-nyalin kɛn bii, a na á golee lon mànan bii, a n die kiri kuri:

² Ka n die kaa kiri kɔkɔrɔn kɛn we yǎa biĩ? Ká n sonbore pii koe zɛ̀rɛdɛnan la. *Doa

³ Ka kiri wɔ doɛ̃ pàãwɛɛnaa laanka nɛ toen wɔ paǹ li. Ka kiri pepere wɔ doobaa laanka nɔmaa-wɔle wɔ paǹ li.

⁴ Ka n gɔn bɔ pàãwɛɛnaa laanka doobaa ganaa, ka ǹ si ka ǹ bɔ zɛ̀rɛdɛnan gɔn.

⁵ Sɛnɛ, ka a màn kɔn doɛ̃ wa, ka a màn kɔn giala miɛ wa. Ka n tɔ we wɔlɔ tì li, ka nə́ n gɔn tatalɛɛ. Bɛ lɛ a lɛa nɛ, kanaa lɛ lɛ á kanaa nɛ, á n giɛ li a bɔ̀n baa.

⁶ Man pii ka nɛ: Ka n lawan lɛa, ka tumaa n Lon a Lawa Gole lɛ a nɛnyaanan lɛa.

⁷ Sɛnɛ, ka doamaa nɛ ka gã ka minbuiinin bɛ́ lɔn, ka mɛnaa ka kiin bɛ́ mɛnɛɛ lɔn.

⁸ Lawa! Yoo, n kanaa minin lɛn kiri kuru, a giala, mà n din nə kanaa a tɔrɔn tumaa mìi la.