Loen 54 - LAWA A BOO SONBORE

Foo doa Lawa ganaa ǹ loe

¹ LOE-saalin goledɛnaa loe mɛn lɔ, ǹ nə́ da zii ka loe lɔ ǹ mànan nɛ, biɛn nə́ ǹ ganaa. Davida a loe goon ne.

² Zifi kiwi minin bɛ́ ǹ nə́ woo pɛ Sayulu ni, mà Davida daa n duru ǹsɛn li, a n boo diɛ bɛ wɔ gɔn la:

³ Lawa! Ma kirisibaa ka n din tɔ nɛ, ma si sii la ka n din pàã nɛ.

⁴ Lawa! N too kɔ maa nyankɔ li, n too kɔ ma lɛ gɔ́ɔ̃ ǹ boon li.

⁵ Tiin man nə́ yoo ma gialaa, min kakarɛn man giɛ maa gɛ̀ li. Bɛa minin kɛn lɛn ba n taasɛ ka Lawa-n wa. *Doa.

⁶ Sɛnɛ, Lawa n maa dɔmalɛ wole lɛa, Dɛnaa Lawa n maa foo doa ǹ wɔlɔ gole lɛa.

⁷ Ǹ bɛ́ giɛ baraa mɛn li maa wɔ paǹ li, toa bɛ lɛ wusoo, a mɛnaa ǹ dinin la. N bɔlɔgoondɛnaabaa taman yii, n dɛ n nə ǹ bɔ bii-a.

⁸ Ma á re wúlu mànan boe, ma ǹ kɔ n la, ka foo sonbore ne. Dɛnaa Lawa, ma á re n tɔ boe, a giala n tɔ lɛ á kɔɔ̃nɛ.

⁹ Ń ma si nɔmaa tumaa la, bɛ lɛ n ke, ma á giɛ maa zɔ́ɔn mɛnaa ganaa, ka foo kɔɔ̃n nɛ.