Loen 53 - LAWA A BOO SONBORE

Minbuiinin baãnaabaa boo

1 LOE-saalin goledɛnaa loe mɛn lɔ. A nə n loe pìi lɛn li. Davida a loe . A nə n loe pìi lɛn li.

¹ LOE-saalin goledɛnaa loe mɛn lɔ. A nə n loe pìi lɛn li. Davida a loe. A nə n loe pìi lɛn li.

² Min mɛnɛn bɛ́ pii ǹ dinin gɔ́ɔ̃ nɛ: mà Lawa din banban, baãnaan manɛ. Ǹ nə́ n dinin ziziɛ̃, ǹ giã ǹ gɔn bɔnɛɛ kɔ, ǹ kɔn din banban, bɛ́ n sii bǐɛ̃ zɛnɛɛ wa.

³ Lawa nə́ n toa lon, á n zuməə, a n giɛ kanaa minbuiinin ganaa, bɛ̀ yiridɛnaa goon tá ǹ bii, min mɛn nə́ giɛ Lawa li.

⁴ Ǹ tumaa sã, ǹ tumaa ziziɛ̃. Ǹ kɔn din banban, bɛ́ n sii bǐɛ̃ zɛnɛɛ wa. Haalɛ goone!

⁵ Sii baraa-zɛnaalin kɛn lɛn kɔn yiri na a banban? Ǹ nə́ ke maa minin lɛn gialaa, ǹ soɛ̃ fu, ǹsɛn ba Lawa tɔ pii wa.

⁶ Bɛ lɛ nɛ, ǹ gɔ̀nɔn tá re bìn diɛ, gɔ̀nɔn bìn da ǹ sii dɔ na a ba ǹ yɔrɔ-a wa. Min mɛnɛn bɛ́ pàã nyɛɛ Lawa a zaman nɛ, Lawa á re bɛn wen sasawɛɛ. Lawa á re sìi diɛ ǹ ganaa, a giala, á ǹ tii.

⁷ E, die kɔsɔ n die boe Zeruzalɛmu, a da Izirayeli kirisibaa? Bɛ̀ Lawa ná a minin kɛn waa bɛ̀rɛbaa nɛ, á daa ǹ nɛ, Zakɔba tɔrɔn tá re n nyɛnyɛɛ, Izirayeli minin foo á re kɔɔ̃n koe.