Loen 47 - LAWA A BOO SONBORE

Lawa a kiibaa boo

¹ LOE-saalin goleedɛnaa loe mɛn lɔ. Koore a minin wɔ.

² Tɔrɔn lɛn, ka tumaa nə n gɔn dɛ, ka foo kɔɔ̃nbaa ǹ loe lɔ, ka fòo da nɛ.

³ A giala, Dɛnaa Lawa lɛ, Lon a Lawa gole lɛ a sii á nyɛ́ɛ diɛ. A din nə kii gole lɛa kanaa tumaa mìi la.

⁴ A din nə tɔrɔn wɔ diɛ wɔa wɔ gɔ́ɔ̃ nɛ A din nə tɔrɔ kɔsɔn kiɛ wɔ gòãn giulun.

⁵ A bɛ́ wɔsɛn Zakɔba tɔrɔn mɛnɛn narɛ, a din na á wɔa gána bɔ á kɔ wɔ la, wɔ dɔn man nə n dinin kalɛɛ bɛ lɛ la. *Doa.

⁶ Lawa dii lɛn gole wuu bii, Dɛnaa Lawa dii lon bɛn gole wuu li.

⁷ Ka loe lɔ ka Lawa tɔ bɔ, ka loe lɔ. Ka loe lɔ ka wɔa kii tɔ bɔ, ka loe lɔ.

⁸ A giala, kanaa tumaa a kii n ka Lawa nɛ, ka lɔ loe lɛa minin nə dɔ̃.

⁹ Lawa n kii lɛa tɔrɔ kɔsɔn kɛn dɔn mìi la. Lawa n giã nɛ, a Lawabaa ǹ kii dankan nɛ.

¹⁰ Tɔrɔn kiin nə́ kaa kun, Ka Abrahamu a Lawa a minin ni. Bɛa kanaa a kiin kɛn tumaa n Lawa wɔn lɛa, Lawa n màn tumaa mìi la.