Loen 4 - LAWA A BOO SONBORE

Lawa nyankɔ a ga dɔmalɛ li ǹ loe

¹ LOE-saalin goledɛnaa loe mɛn lɔ tùtu wuu li. Davida a loe.

² Ee Lawa, n din mɛn bɛ́ sii doɛ̃ ma la. Bɛ̀ ma á n bíi we, n ma lɛ si. Má goã fuu-n lɛlɛ, n din piɛ̃ kaa ma-a. Makara bɔ ma-a doo, n maa nyankɔ si.

³ Ee minin! Ka n die ma piɛ̃ boe kɛnɛn yǎa biĩ? Ka n die min zɛ̀rɛ baa kooro narɛ yǎa biĩ? Ka n die baa sii soɛ kio kɛnɛn yǎa biĩ? *Doa

⁴ Ka dɔ̃ mà Dɛnaa Lawa na á ma bɔ, bɛ̀ ma tá a bíi we, a n ma lɛ sii.

⁵ Ta nyɛ́ɛ n ka-a, ka baran sii baraa zɛnaa wa. Ta ká sii mɛn taasɛ kaa piì la, ka baran boo da wa. Doa

⁶ Ka wúlu mànan kɔ Dɛnaa Lawa la, ká a din pɛ lɔn. Ka n foo doa Dɛnaa Lawa ganaa.

⁷ «Die n die yii-nyɛɛ koe wɔ la?» Bɛa pɛlin nə́ mɔnaa. Dɛnaa Lawa, n din nə n yɔrɔ bǐɛ̃ da wɔ la.

⁸ Nyɛnyɛɛ mɛn bɛ́ ǹ foo ne bɛ̀ ǹ wii laanka ǹ duvɛ̃ mɔnaa, n die n maa wɔ la bɛ nɛ.

⁹ Bɛ̀ má n para naa tán lɔn, man nyuù we kiĩni, a giala, Dɛnaa Lawa, n dinsɔɔ̃ n ma foo doɛ.