Loen 3 - LAWA A BOO SONBORE

Zɔ́ɔn min lɛnpɛnɛɛ boo

¹ Davida a loe n ke. A baa mɛn si a nɛ Abusalɔn nyɛɛnɛ, loe lɛ n woe kun ka bɛ nɛ.

² Dɛnaa Lawa, maa zɔ́ɔn nə́ mɔnaa-n parɛ! Min mɛnɛn bɛ́ yui ma gialaa, ǹ tá mɔnaa-n parɛ!

³ Min mɛnɛn bɛ́ pii maa wɔ gɔn la: «Lawa a re a kirisibiɛ wa,» bɛn tá mɔnaa-n parɛ. *Doa

⁴ Sɛnɛ, nsɛ Dɛnaa Lawa, n din lɛ n maa goóro lɛa ma tamaɛ, n din lɛ n zín we ma nɛ, n din lɛ n toɛ ma á n mìi siɛ lon.

⁵ Bɛ̀ ma lɛ dia Dɛnaa Lawa la, máa a da ma la, a nə n toɛ a kele sonbore kɛ la, a ma lɛ si. Doa

⁶ Má waa tán má nyuù wɔ. Ma yii bɛ́ á kaa, má yɛ máa Dɛnaa Lawa n maa dɔmalɛ wole lɛa.

⁷ Masɛ a nyɛ́ɛ biɛ zɔ́ɔ duu gigiã kɛ nyɛɛn doo wa, zaman mɛn lɛ ma lɛnpɛnɛ ma paǹ yii ganaa.

⁸ Dɛnaa Lawa, n dɔ ma lɛ! E, maa Lawa, da ma la! N din lɛ n dɔlɔ boe maa zɔ́ɔn tumaa ganaa. N din lɛ n toɛ, min baraan kɛn ba boe la ǹ basaã kɔ ma-n wa.

⁹ Dɛnaa Lawa, n din nə min kirisibiɛ. N din die n barka da n minin lɛn ganaa! Doa.