Loen 24 - LAWA A BOO SONBORE

Kii gole a wɔ kion loe

1 Davida a loe n ke.

¹ Davida a loe n ke. Kanaa laanka a gɔ́ɔ̃gɔ́ɔ̃ ǹ màn tumaa n Dɛnaa Lawa wɔ lɛa. Tán nɛ, ka mànan mɛnɛn bɛ́ la, ǹ tumaa n Dɛnaa Lawa wɔ lɛa.

² A din na á koa kɔ̀ mu lalan, a din dɔ n kuĩ golee-n mu gole lalan.

³ Die n kɔnboe a dii Dɛnaa Lawa a kele kɛ la, a giã a kion sonbore kɛ-n kəni?

⁴ Min mɛn bɛ́ a gɔn sii la wa, a foo dɔ n *yoreen ne, a ná a ba koe soɛ zii lɛ wa, a ba n liɛ ka soɛ-n wa, bɛa dɛnaa nɛ.

⁵ Dɛnaa Lawa n barka we a nɛ. Kirisibaali Lawa n lɛ koe a ganaa min pepere lɛa.

⁶ Tɔrɔn mɛnɛn bɛ́ giɛ n li, tɔrɔn mɛnɛn bɛ́ n nyankoe ka wɔ digolo Zakɔba wɔ bɛ́ lɔn, bɛn lɛn man ka bɛn nɛ. *Doa.

⁷ Ka sumu a kiɛnlɛn lɛn bũ duduu! Ka kion a kiɛnlɛ taãnan lɛn dɔn bũ duduu, ń giɛ kii gole lɛ á die we a kion.

⁸ Die n bɛa kii gole kɛ lɛ lɛa? Dɛnaa Lawa gɔ̀lɔ̀ kaka lɛ nɛ, Dɛnaa Lawa mɛn bɛ́ zia-baalin gɔ̀lɔ̀ lɛa.

⁹ Ka sumu a kiɛnlɛn lɛn bũ duduu! Ka kion a kiɛnlɛ taãnan lɛn dɔn bũ duduu, ń giɛ kii gole lɛ á die we a kion.

¹⁰ Die n ka bɛa kii gole kɛ lɛ nɛ? Dɛnaa Lawa Pàãyiidɛnaa kɛ lɛ nɛ, a din lɛ n kii gole lɛ lɛa.