Loen 23 - LAWA A BOO SONBORE

Dɛnaa Lawa n ma lɛduə̃li lɛa

1 Davida a loe n ke.

¹ Davida a loe n ke. Dɛnaa Lawa n ma lɛduə̃li lɛa, màn kɔn ba re nyaabiɛ ma ganaa wa.

² A n ma diɛ susui li buu buruu nyantoto bǎãn nɛ. Mu kiĩn bɛ́ bǎã mɛn nɛ, a n woe ma-n walan.

³ A n màn diɛ ma pàã li. A n ma diɛ zii sonbore la, a din tɔ kɛa lɛa.

⁴ Haalɛ ta man tɔ we wɔlɔ tì li gɛ̀ lɛ giulun, ma a re nyɛ́ɛ biɛ sii baraa kɔn nɛ wa, a giala mà n tá kun ma nɛ. N bɛ́ ma lɛduĩ ka bàlà mɛn nɛ, n nə́ ma nyɛɛnaan boe ka balangɔɔ mɛn nɛ, bɛ lɛ n ke ma foo doɛ.

⁵ N din nə ma kuĩ tii lɛa sɔnbɔraanɛ, n din nə màn-bii koe ma la maa zɔ́ɔn yii ni, n nyɔɔ gìĩ kɔɔ̃n kaa ma mìi ni, n mi ǹ màn kaa paan piɛ̃ n kɔ ma la.

⁶ Hiĩ, maa tá kanaa lɛawaa tumaa gɔ́ɔ̃ nɛ, n bǐɛ̃baa laanka n kɔn-narɛɛ gole kɛ n koe ma lɛ. Dɛnaa Lawa, ma á re wusii bɛ̀ ma da n kion, maa tá kanaa tumaa gɔ́ɔ̃ nɛ.