Loen 150 - LAWA A BOO SONBORE

Màn tumaa a Lawa guguru kɔ boo

¹ Aleluya, ka Dɛnaa Lawa tɔ bɔ! Ka Lawa tɔ bɔ a Kion sonbore kɛ nɛ! Ka a tɔ bɔ lon, a din pàã bɛ́ n nyɛɛ bǎã mɛn nɛ!

² Ka a tɔ bɔ a boo sii la a lɛa, ka a tɔ bɔ a golebaa kɛ tumaa a lɛa!

³ Ka bɛn pɛ ka a tɔ bɔ nɛ, ka tùtu laanka kɔnkoɛɛ̃n dɛ ka a tɔ bɔ nɛ!

⁴ Ka maà dɛ, ka bɛ̀ baa ka a tɔ bɔ nɛ, ka tùtu dɛ, ka pìi pɛ ka a tɔ bɔ nɛ!

⁵ Ka a tɔ bɔ ka zan màn wuu kɔɔ̃nɔn nɛ, ka a tɔ bɔ ka gɔn pere dɛ ǹ zan màn wuu kɔɔ̃nɔn nɛ!

⁶ Màn mɛn tumaa bɛ́ fɔfoaã sii, ka Dɛnaa Lawa tɔ bɔ! Aleluya, ka Dɛnaa Lawa tɔ bɔ!